31 desember 2005

Titill er kynhlaðið hugtak..

Ég veit ekki hvaðan þetta kemur og ég nenni hreinlega ekki að leita að því, en þetta segir bara ó svo margt:


Is E=mc2 a sexed equation?...Perhaps it is. Let us make the hypothesis that it is insofar as it privileges the speed of light over other speeds that are vitally necessary to us. What seems to me to indicate the possible sexed nature of the equation is not directly its uses by nuclear weapons, rather it is having privileged what goes the fastest...

-Luce Irigaray

Þetta er voða poppað. En ef þið sjáið ekkert athugavert við þessa pælingu þá hefur feminista/hómósexúalista-möndulveldið þegar náð tangarhaldi á ykkur, og ég treysti mér ekki nær.

,,Other Speeds that are vitally necessary to us.." Kommon!

-b.

ps. Æ jú annars.. Ég sá þessa tilvitnun í þessari grein (sem ber titilinn ,,The Death of Literary Theory" og er ansi skemmtileg), sem ég fann eftir að hafa lesið þessa ágætu grein eftir sama höfund, um Lolitu Nabokovs.

pps. Gó Róm.

28 desember 2005

Enn eitt ,,- dagsins"

Brútal dagsins: Eyðilagður keisari hálshöggvinn á egypskri strönd fyrir framan konu og börn.

27 desember 2005

,,Þetta er riffillinn í þessari setningu.."

Ég kyngdi af undrun þegar ég las umsögnina á þessari síðu um þessa metasúpu af texta, og birti hér orsök undrunar minnar í heild sinni:
If this is what the Mathematics Department of the University of Chicago spends its time doing, then somebody needs to pull a Columbine.


,,Pull a Columbine"?!

-b.

Whut?

Now quiet in the theater or it's gonna get tragic,
we're about to be taken to a dreamworld of magic!

Sofandi þreyttur

Leiðinlegustu draumar í heimi eru þegar mig dreymir að ég sé svo þreyttur að ég get ekki haldið augunum opnum. Datt útaf áðan yfir kastljósinu og mig dreymdi að ég væri að sofna í viðtali í einhverjum álíka spjallþætti. Tók einstaka sinnum á honum stóra mínum, glennti augnlokin í sundur og reyndi að opna pakka sem lá á borðinu handa mér. Stórt umslag sem innihélt frekar stóra tölu (sirka 20 sentimetrar í ummál) og ég hugsaði á hvaða satans jakkaföt passar þessi? Undir tölunni var farsími, en ég var ekki alltof spenntur því ég þóttist þegar hafa unnið tvo nýja farsíma í einhverri getraun..

Og ég var svekktur því konan sem sat mér á vinstri hönd fékk 75.000 króna inneign í bókabúð einhverri. Hún var rosa hrifin af tölunni, en vildi samt ekki skipta. Og svo hélt ég áfram að sofna. Náði ekki einusinni að grípa aðra gjöf af borðinu, en þær voru allmargar.

Djöfull er hrikalegt sjónvarpsefni í gangi núna.

-b.

25 desember 2005

Þrjú tonn af sandi..

Ég man hvað mér þótti það sniðugt þegar ég heyrði það fyrst (líkast til í X-Files), að NSA væri í raun skammstöfun á ,,No Such Agency". Spúkí, hm? Reyndar er rétta nafnið (,,National Security Agency") alveg jafn, ef ekki meira, spúkí. Orwellískt tú ðe max, á meðan það fyrrnefnda er meira svona para-pun*.

Það var rosa gaman í dag þarsem ég sendi út böns af jóla-smsum og fékk svar frá næstum því öllum um hæl. Þessa gagnvirkni fíla ég.. fremur lítil bið en þó hellings spenningur.
Og það má vel vera að jóla-sms séu takkí og allt það, en ég bara kom mér aldrei í það að búa til svona alvöru. Og ég sé það reyndar að fleiri voru á sama báti, því ég fékk bara tvö aktúal jólakort þetta árið. Annað var frá fjölskyldu frænku minnar útí Svíþjóð og hitt var frá Íslandsbanka.

Kæri gullvildarvinur...

Naumast að allir þessir þjónustuþættir opna margar dyr. Hinsvegar get ég ekki fengið síhringi-gullkort, en mér skilst að það sé ákveðinn oxymoron: síhringikort eru fyrir fólk sem bankinn treystir ekki (sú er ekki raunin með mig, en ég fékk það hinsvegar eftir mikið þref og vesen því ég treysti sjálfum mér ekki), en gullkort eru fyrir góða kúnna sem mega allt. Næstum því.

En allavega, gamla kortið mitt hefði runnið út klukkan tólf á miðnætti aðfararnótt fyrsta janúar næstkomandi (reyndar spurning hvort tölvur bankans hefðu farið eftir gmt breytingunni sem ég minntist á hér áður, en líklegast hefði ég ekki getað stílað inná það af neinu viti), en ég á að fá nýtt og gilt gullkort á milli jóla og nýárs.

-b.

*mín eigin stytting á 'paranoid pun'. Notist hvergi annarstaðar en í tengslum við þetta tiltekna pön.

24 desember 2005

Jólakveðja hér líka

Gleðileg jól, fólk.

-b.

pé ess

Ég horfi á ,,Rome" og velti fyrir mér ýmsu í tengslum við sjálfssögulegt gildi þáttanna, og hvort það sé til staðar yfir höfuð. Nenni ómögulega að fara að útlista það hér, en spáum í þessu: Þættir einsog ,,Rome", eða myndir einsog Hamlet Zeffirellis, versus Passion of the Christ. (Það að Mel Gibson skuli koma nálægt þeim tveimur síðarnefndu er bara tilviljun.)

Ennfremur: Er það bara ég sem er svona upptekinn af sjálfssögunni að ég sé hana allstaðar (og umfjöllun um hana einnig), eða eru allir að pæla í henni og ég þessvegna að sparka í deyjandi róna?

-b.

Frétt ársins:

Af mbl.is:
Nýja árinu frestað um eina sekúndu

Árinu 2006 hefur verið frestað, en þó ekki nema um eina sekúndu. Rétt fyrir miðnætti á gamlárskvöld að Greenwich-viðmiðunartíma, sem er sá sami og íslenskur tími, verður klukkum seinkað um eina sekúndu, og henni þannig bætt við árið - svonefndri hlaupasekúndu. Mælingastöð bandaríska flotans greindi frá þessu í dag.

Áramótin verða því einni sekúndu síðar en ella hefði orðið. Bæta þarf hlaupasekúndum við öðru hvoru vegna þess að nýjustu atómklukkur mæla tímann af mikilli nákvæmni, en snúningur jarðar er stundum misjafn. Hægt hefur á snúningnum undanfarið og með hlaupasekúndum er komið í veg fyrir að misræmi skapist með klukkum á jörðinni og jörðinni sjálfri.

Þetta verður í 23. sinn síðan 1972 sem hlaupasekúndu er bætt við, en þá var undirritað alþjóðlegt samkomulag um tímamælingu. Síðast var bætt við hlaupasekúndu fyrir sjö árum.

Þetta þýðir að sökum bandaríska flotans þarf ég að bíða einni sekúndu lengur eftir nýja árinu en ella. Draugatími. Það hafa verið skrifaðar hryllingssögur og vísindaskáldsagnabálkar um svona lagað. Mig hryllir við tilhugsuninni um hvað var að ske í lífi mínu fyrir sjö árum síðan, þegar þetta gerðist síðast en ég fékk sko ekki að vita af því í það skiptið!

Áramótin '98. Jú, mig minnir að það hafi verið einkar léleg áramót. Sem er ekki alveg það sama og, en samt ansi nálægt því að vera, ill áramót. Þakin illsku, einsog öxi er þakin blóði eða Tjörnin er þakin ís.

Að því ógleymdu að þau verða mun lengri en venjuleg áramót. Sem þýðir að við þurfum öll að drekka meira. Slökum á vöðvunum og deyfum heilann þannig að kalkaðar frumurnar í skelinni drepist ekki úr áramótasjokki. Bring it on.

-b.

23 desember 2005

Jólaþröskuldur

Ég verð reyndar að segja að þetta kukl sem ég fékk frá Davíð (og fleirum) er alveg ofboðslega leim. Andskotann ætli ég tengi eitthvað ákveðið bragð við manneskjur sem ég þekki mismikið? Fyrir nú utan það hversu hræðilega slappt minnið er hjá mér orðið.. ég man ekkert hvenær ég hitti fólk fyrst, og það eru rosa fáir sem ég hef einhverja sterka fyrstu minningu um. Allt feidar inn og út hjá mér.

Eða svona í flestum tilfellum.

Það eru helst fundir sem hafa átt sér stað núna í seinni tíð sem ég man eftir, en æskuvinir voru bara alltaf þarna einhvernvegin. Alveg einsog ég sjálfur.

Ég svaf langt framá dag í dag.. þetta hafa verið helvíti blaut próflok. Það var ekki beint meiningin, það bara fór þannig. En núna er ég salli, búinn að sitja við að græja nýju tölvuna hennar mömmu síðan áðan einhverntíman. Setja upp firefox, thunderbird, office, þráðlausa netið, eldvegginn osfrv. osfrv. Þetta er að verða komið núna held ég.

Spá í að fá mér eitthvað að éta.

Heyrðu já og þessir commentary-mp3 fælar sem ég benti á um daginn eru ekkert spes. Mér finnst það dálítið skrýtið, maður heyrir að fólkið er að horfa á þáttinn á meðan það spjallar, en það er bara ekkert að tala um þáttinn af neinu viti. Annars þykir mér þetta ennþá bráðsniðug hugmynd.. En það er kannske ekki 'við hæfi' að gefa sér að fólk sé að hala þessum þáttum niður á tölvuna sína.

Hjálp! Hjálp! Köngulærnar éta mig!

-b.

20 desember 2005

Lán í óláni í láni

Nei það er reyndar ekki rétt, ég er að snúa þessu uppí eitthvað vesen. Sem það er ekki.

En ég á semsagt að mæta með einhverja jólagjöf í kvöld, og ég veit ekki hvað það á að vera. Fékk símhringingu í dag frá Ægisíðunni og mér sagt að ég ætti jólagjöf hjá þeim sem ég gæti sótt þegar ég vildi. Ókei, helst vildi ég geta haft þetta einfalt og gefið það sem ég fengi frá Essó (svo lengi sem það væri ekki eitthvað rosa takkí einsog vekjaraklukka þarsem hendurnar á tígrisdýrinu segja til um tímann). En svo opna ég gaurinn og þá er það 10.000króna gjafakort í Smáralind.

!

Almennilegt. En ég tími eiginlega ekki að setja það í einhvern leynipakka. Heldur vil ég nota það til að kaupa massa af jólagjöfum, en ég hef víst enga afsökun til að gera það ekki þetta árið (ég hef verið svo helvíti blankur undanfarin jól). Þarf bara að redda mér niðrí Smáralind.

-b.

I'm off to the barn dance!

Now don't worry, I'm not a stabbin' hobo, I'm a singin' hobo:

,,Nothing beats the hobo life
stabbin' folks with my hobo knife."

Watsa matter? You get another weird sammitch?

I thought that my home was my castle
With no-one scrutinizing me
No pigs, no lyin' bitch, no hassle
Y'all are brutalizing me

Can't a man not drink his beer in silence?
Can't a man not crudely lie and scream?
Can't a man not control his bitch with violence?
Y'all are brutalizing me

Y'all are brutalizing meeee!

19 desember 2005

Kukl frá Davíð

Ég er undir beinum áhrifum (og í raun pressu) af Darbó þegar ég endurtek þessa afarkosti. Þó ég búist sosum ekki við að margir svari.. en ef þið kommentið lofa ég semsagt að:

# Skrifa eitthvað handahófskennt um ykkur.
## Viðurkenna hvaða lag/bók/mynd ég tengi við ykkur.
### Upplýsa hvaða bragð/lykt minnir mig á ykkur.
#### Rifja upp fyrstu skýru minninguna um ykkur.
##### Segja ykkur hvaða dýr þið minnið mig á.
###### Spyrja ykkur að einhverju sem ég hef lengi velt fyrir mér.
####### Og ef þið setjið nöfn ykkar inn eruð þið skuldbundin til að setja þetta á bloggin ykkar.

Endir.

-b.

18 desember 2005

Þýddur og eldaður

Ég var að enda við að klára innganginn að ,,Actor, Space, Light, Painting", og er þar með búinn með það sem ég þarf að gera í skólanum fyrir jól. - Eða þannig.. ég býst við að fá yfirlestur á þessu áður en ég skila því inn á morgun, en það eru nú yfirleitt minniháttar breytingar sem þarf að gera eftir svoleiðis.

Þá man ég að ég hef ekki þýtt titilinn ennþá. Gerum það snöggvast. ,,Leikari, Rými, Ljós, Málverk". Rennur ekki alveg jafn vel á íslenskunni og enskunni, en hvað um það. Líklega virkar það enn betur á þýskunni. (Að því gefnu að hann hafi skrifað á þýsku en ekki frönsku eða hvað þeir vilja hafa þarna í Sviss. Fjögur opinber tungumál? Hvernig í ósköpunum kemst nokkuð í verk?)

Svo er ég að elda kjúlla. Tók hann út í gær (eða í fyrranótt), ætlaði að elda á sunnudagskvöldi, en fattaði bara ekki að bjóða einhverjum í mat. Það er jú rétt sem Már segir að þá er bara meira fyrir mig, en það er ekki jafn gaman. Ég hringi síðan alltaf í mömmu áður en ég býst til að elda svonalagað vegna þess að ég er alltaf búinn að gleyma hvað hún sagði við mig síðast.. Haukur í horni, vissulega.

Klárlega.

Kartöflur með kjúklingnum, hvílík hugmynd. Alveg frábær. Steiktar á pönnu uppúr allskonar. Það verður nú gott maður. Og smá salat. Ahh, sunnudagur.

Stikli stikl.

-b.

17 desember 2005

David Cross klippur

Vegna þess hversu annt mér er um ykkur lesendur mína (alla fjóra eða fimm) þá ætla ég að deila með ykkur þessum vídjóklippum sem eru aukaefni á Let America Laugh DVD-disknum.
  • Ainsley McTree
  • Deleted Scenes
  • DVD title 2
  • DVD title 8
    -b.
  • 16 desember 2005

    King Hung

    Ármann Jakobsson hálftók óyrtan brandarann úr kjafti mér. Eftir að hafa séð King Kong í gær vildi ég sagt hafa að Jackson hefði sannarlega eipsjittað á öllum hugsanlegum vígstöðvum. (Og pönnið til ætlað alveg lengst aftur í síðustu viku.)

    En hún var slöpp. Minnir mig að vissu leyti á Corpse Bride, sem ég gleymdi að setja á listann ,,Lélegt ársins" í gær. Báðar myndirnar eru flottar, vel gerðar og allt það (Kong er vissulega tilkomumikill), en handritið er í báðum tilfellum afspyrnu lélegt. Mér var nákvæmlega sama um allar persónurnar. Og ég stóðst ekki mátið og flissaði að frekar lélegum brandara um miðbik Kong þarsem Baxter segir ,,I'm an actor who's just lost his motive."

    Hvaða mótif? Sá eini sem hafði einhverja ástæðu fyrir því að gera það sem hann gerði var leikstjórinn, leikinn af Jack Black. (Fyrir utan lokalínuna hans, sem meikaði ekkert sens.) Og það voru ekki bara manneskjurnar. Þegar fólkið lendir á flótta undan ráneðlum sem eru að hlaupa uppi hjörð af grameðlum, þá halda þessi rándýr áfram að elta eina og eina manneskju á meðan það bíður fjall af dauðum risaeðluskrokkum eftir þeim nokkrum skrefum aftar. Án gríns, það hrynur hver risaeðlan á fætur öðrum á þessum hlaupum, ein svoleiðis væri nóg í allar ráneðlurnar í marga daga (og þær voru jú einmitt að veiða þær til að byrja með) og hvað gera þær? Stökkva yfir skrokkana og fara að eltast við myndatökumanninn þarsem hann prílar upp fjallshlíð.

    Kjaftæði.

    ..og nota bene þá er ég ekki að kvarta yfir einhverjum kvikmyndakraftaverkum einsog hvernig í andskotanum þeir komu górilluni fyrir á bátnum og héldu honum sofandi alla leiðina heim, og komu honum síðan inní leikhúsið. Skrifum það bara á Hollívúdd-galdra. En mer finnst það alveg lágmark að menn og dýr hagi sér einsog menn og dýr. Er ég að biðja um of mikið?

    Svo var hún alltof alltof löng. Þeir hefðu getað klippt burt a.m.k. korter með því að skera burtu helminginn af skotunum af hausnum á aðalleikonunni, þarsem hún starir útí tómið eða framaní Kong eða framaní rithöfundinn eða framaní skipstjórann..

    *spoiler*

    Það var ein góð sena. Svona virkilega góð, eitthvað sem fékk mig til að kalla ,,Ó já!" Eftir alveg rosalega langdreginn bardaga við 3-5 T-rexa stendur einn slíkur uppi á móti Kong (hann heldur áfram að berjast við tröllið yfir hálfum munnbita af mannakjöti þó svo að górillan hafi þegar drepið þrjár eða fjórar svoleiðis eðlur ein síns liðs.. *geisp*). Kongarinn tekur á móti honum, ræðst strax á kjammann, glennir hann í sundur og rífur úr honum tunguna með kjaftinum. Þá fer eðlan strax í vörn, berst um og reynir að komast í burtu en Kong hefur hann undir, kýlir hann í smettið nokkrum sinnum og heldur áfram að reyna að rífa af honum neðri kjálkann, þartil það tekst loksins með braki, og þá snýr hann fantinn úr hálsliðnum í leiðinni.

    Það sem er svo flott við þessa senu er að þarna var Kong einstaklega vel stýrt. Hann er ekki monster sem slengir eðlunum hvorum utaní aðra eða stendur í loftfimleikum á meðan hann reynir að koma höggum á þær um leið og hann djögglar kellingunni á milli lausra handa og fóta. Hann ætlar að slátra þessum fýr, miðar á ákveðinn stað og berst við að rífa helvítið í sundur einsog hann sé að reyna að rífa lokið af stífri krukku og líf hans liggi við. Hann lemur og slær, grípur og togar, og maður heyrir hann næstum muldra, drullupirraðan en ákveðinn ,,svona helvítið þitt, gefðu eftir." Síðan tekst það og þá er einsog hann viti ekki hvað hann eigi að gera. Spennufallið sem kemur yfir hann þegar skrímslið liggur dautt er beinlínis áþreifanlegt. Þarna var hann í essinu sínu.

    En svo tekst þeim að skemma þennan alfa-meil með ofur-gei skautaferð í Central Park.

    *spoiler endar. held ég*

    Ég veit samt ekki. Tek eiginlega í sama streng og Már: Þessi mynd var nákvæmlega það sem ég hélt að hún væri, en einhverstaðar innst inni vonaði ég að hún væri meira. Og það bara var ekki svo.

    -b.

    Listhlaupari

    Maður verður að búa til lista. Þessi gaur hérna er fylgjandi því, og ég er það eiginlega líka. Það er ýmislegt sem getur farið í taugarnar á manni við svoleiðislagað, einsog er hér til umfjöllunar. Brot:
    -- Make sure to include an album that just came out. This will lead people to believe that you got an advanced copy months ago and had plenty of time to get into it. But WARNING- BE CAREFUL- make sure it's not something that will become popular or produce a radio-friendly single in the next couple of months. Nothing will kill your indie cred than including the next Killers on your next Hip List.

    Ég hef gert lista yfir bækur, myndir og tónlist í kringum áramótin í einhvern tíma.. síðustu þrjú áramót kannske? Veit ekki.. en ég lendi alltaf í því sama: ég man aldrei hvað ég hef verið að gera undanfarið ár þegar komið er framí desember. Og lendi þá gjarnan í því að skrifa bara niður draslið sem er í hausnum þann daginn eða þá vikuna. Eða svona þvísemnæst.

    En ég ætla að setja hérna upp bráðabirgðalista. Sjáum svo hvernig það kemur út. Ef þið munið eftir einhverju sem ég er að gleyma þá látið mig vita.. einsog ég segi, ég man andskotann ekki neitt.

    Plötur:
    • iron & wine og calexico - in the reins
    • nick cave - abbatoir blues & the lyre of orpheus (afþví hún fór ekki á lista síðasta árs)
    • the arcade fire - funeral (sama hér)
    • queens of the stone age - lullabies to paralize
    • hjálmar - hjálmar
    • bloc party - silent alarm
    • explosions in the sky - how strange, innocence (plata sem var 'gefin út' áður, innan gæsalappa, en þó ekki að ráði. Var endurútgefin í almennilegu upplagi í ár.. ég var auðvitað búinn að heyra hana fyrir löngu síðan (hó hó), en set hana bara hérna. Hva.)
    • Á maður að segja Sigur Rós á þennan lista? Diskurinn er nú fínn..

    Meinið er að ég hef ekki verið duglegur við að hlusta á mússík. Ég er að miklu leyti með dót síðasta árs í minidiskaranum, nenni lítið að sækja nýja tónlist á netið, og það sem ég sæki kveikir voða lítið í mér.

    Myndir:
    • A History of Violence
    • Der Untergang
    • Diarios de Motocicleta
    • Batman Begins
    • Napoleon Dynamite
    • The Woodsman
    • Sin City
    • Broken Flowers
    • Primer (síðan 2004, en ég sá hana mjög nýlega og hún rúlar)

    Ég veit að ég er að gleyma einhverju.. mig minnir endilega einsog ég hafi séð einhverja snilldina á dvd sem ég bara man ekki eftir. Og svo videre. Life Aquatic?

    Bækur:
    • Sleeper
    • Queen and Country
    • Vímanarama
    • We3
    • Seaguy
    • Doom Patrol
    • The Crying of Lot 49 (Næstum. Satans, ég kláraði hana ekki í sumar, en hún fer nú samt þarna inn.)
    • Flex Mentallo: The Man of Muscle Mystery
    • Lone Wolf and Cub

    ..og eflaust eitthvað fleira. Las eitthvað af 100 Bullets og Stray Bullets. Powers. Ah já, og Daredevil-num hans Bendis. Ekta gott dót. Annars eru það eiginlega sjónvarpsþættirnir sem hafa átt hug minn allan uppá síðkastið. Arrested Development, Mr. Show, BrassEye, The Day Today, The Prisoner.. Jú og Battlestar Galactica. Deadwood og Entourage. Nóg af þessu dóti.

    Hei svo var ég að finna El Ten Eleven á soulseek. Mikið vona ég að þessi plata sé eins góð og mér heyrist hún vera við fyrstu.. heyrn.

    -b.

    15 desember 2005

    Næturbrölt

    Næst er það CSI: Nights.

    Grissom kemur heim af rannsóknardeildinni, nýbúinn að leysa ótal ráðgátur. Fer í sturtu og ný föt og heldur síðan útí nóttina til að.. uu.. leysa ráðgátur.
    En meira svona þessar af myrkari gerðinni. Eitthvað sem virkar voða yfirnáttúrulegt (en á sér vitaskuld náttúrulega og rökrétta útskýringu, þegar betur er að gáð).

    Ég bjó til mynd til að hafa sem banner. En hún er kannske heldur spiffí eitthvað. Eða textasvæðin plein. Spiffí versus plein. Það er málið hérna í netveröld.

    -b.

    14 desember 2005

    Family Guy: Podcasts Archives

    Mér sýnist að liðið á bakvið Family Guy sé að podcasta commentary-mp3 fælum hérna. Ég get ekki halað þessu niður núna, þarsem ég er á Prikinu, en það er nú þess virði að tékka á þessu. Og rosa fín hugmynd líka. Svona á að gera það, strákar.

    (Sko, ég notaði ,,niðurhal" í staðinn fyrir ,,dánlód".. en ég hef ekki hugmynd um ,,podcast" eða ,,commentary".)

    -b.

    Viðbót:

    Las þetta komment á slashdot.org: ,,Any person who has not created at least one new word in his/her lifetime lacks plachoritence, IMO."

    Ég hægrismellti á orðið og fletti því upp í tfd.com einsog flón. Meira flónið.

    Annars var ég að fá mér Session saver viðbótina fyrir Eldref. Snilld. Ég er alltaf að finna einhverjar síður, greinar eða bara eitthvað djók, sem ég hef ekki tíma til að klára eða skoða betur þá stundina. Hingaðtil hef ég smellt svoleiðis í búkkmarka og gleymt síðan að tékka á þeim þangaðtil miklu seinna og gleymt svo að hreinsa þá úr búkkmörkunum þegar ég er búinn að lesa draslið og ákveða að það er í rauninni bara blaður sem kemur mér ekkert við.. En núna?

    Núna get ég bara lokað eldrefnum. Bara svona: *klikk*. Next exit: Beerville. Og svo þegar ég kem aftur að tölvunni og kveiki á gaurnum þá koma upp allar síðurnar sem voru þar þegar ég slökkti. Hann heldur meira að segja staðsetningunni á síðunni sjálfri!

    Þetta á víst að vera til þess að bjarga drasli ef vera skyldi að Windows eða tölvarinn þinn krassar, þér að miklum óvörum. Sem er náttúrulega mjög fallega hugsað. En svona gaurar einsog ég, sem þjást af æ meiri leti þegar kemur að netinu (ég var að hugsa um það síðast núna áðan að ég þyrfti að fá takka, svipaðan proxy-button gaurnum (sem svissar proxy-stillingunum af/á með einu klikki (snilld)) til að slökkva/kveikja á adblock-viðbótinni) njóta þessa líka.

    Hei vá, ég prófaði að loka þessum glugga, og þegar ég opnaði gaurinn aftur þá var textinn ennþá til staðar. Fokking magnað.

    Það er reyndar ekki hægt að velja ,,undo close tab" og fá upp flipa sem maður lokaði áður en slökkt var á eldrefnum.. Og mér sýnist ennfremur að ef maður lokar, opnar aftur og lokar síðan strax þá komi draslið ekki aftur. Ætli maður verði ekki að sýsla eitthvað í gluggunum til að hann muni eftir þeim. Gæti verið.

    Æ jæja, þetta var ekki svo mikilvægt hvorteðer.

    -b.

    12 desember 2005

    Bush v. Gore f. fimm árum síðan

    What must underlie petitioners' entire federal assault on the Florida election procedures is an unstated lack of confidence in the impartiality and capacity of the state judges who would make the critical decisions if the vote count were to proceed. Otherwise, their position is wholly without merit. The endorsement of that position by the majority of this Court can only lend credence to the most cynical appraisal of the work of judges throughout the land. It is confidence in the men and women who administer the judicial system that is the true backbone of the rule of law. Time will one day heal the wound to that confidence that will be inflicted by today's decision. One thing, however, is certain. Although we may never know with complete certainty the identity of the winner of this year's Presidential election, the identity of the loser is perfectly clear. It is the Nation's confidence in the judge as an impartial guardian of the rule of law.

    Ikon: A

    Síminn minn er orðinn lélegur.

    Eða kannske er hann núna fyrst farinn að gera eitthvað af viti?

    Hann er nefnilega hættur að vara mig við áður en hann verður batteríslaus.. þetta venjulega bíb bíb sem leyfir manni að tilkynna rosahratt heyrðuégerbatteríslaus áður en það drepst á honum. Hinsvegar hef ég tekið eftir því að hann slekkur gjarnan á sér jafnóðum og viðmælandi minn gerir eitt af tvennu:
    • Kallar mig illum nöfnum (þó það sé í léttu gamni, einsog það er nú oftast); tildæmis Þú ert nú meira flónið eða Þú þarna drullusokkur.
    • Biður mig um greiða eða spyr hvort ég geti komið að vinna.
    Mig langar til að útskýra fyrir honum að hvortveggja sé í góðu lagi mín vegna, og að hann þurfi ekki að 'koma mér til bjargar' með því að binda skjótlegan enda á samtalið, en ég hef það bara ekki í mér.

    Þetta er einsog þegar kötturinn kemur heim með fugl í kjaftinum handa fjölskyldunni. Það er ekki alveg við hæfi, og eiginlega frekar óþægilegt, en hugsunin er valid og hjartað er greinilega á réttum stað. Getur maður nokkuð kvartað yfir því?

    -b.

    11 desember 2005

    Jón og Jón



    Já, Jón og Jón.

    Klipparinn

    Þeir voru að sýna lokaþátt fyrstu seríu af Battlestar Galactica á Skjá einum áðan.. ég hafði nú tekið eftir þessu áður, en datt í hug að sýna hvernig þetta lítur út. Þessir þættir eru í widescreen, alveg einsog hellingur af öðru ágætis sjónvarpsefni (einsog tildæmis Sopranos, og það sama er uppá teningnum þar), en þegar þeir eru sýndir í íslensku sjónvarpi eru þeir klipptir niður. Hrikalega lélegt..

    Einsog reyndar alltaf þegar gott stöff er klippt í sundur. Man alltaf eftir því þegar ég sá Pulp Fiction í réttum hlutföllum í fyrsta skipti. Hún kom út niðurklippt á vídjóleigurnar hérna forðum. Slæmt dót. En allavega, hér eru myndirnar sem ég tók. (Ég tók bara svona snappsjott af bg þætti sem ég á á disk og klippti síðan af hliðunum til að setja það í 4:3.)





    -b.

    10 desember 2005

    Íslandsbanki: Forsíða

    Nýja Íslandsbankasíðan sem var opnuð fyrir nokkrum vikum fer mikið í taugarnar á mér vegna þess að þar er allt keyrt á samskonar myndum, og ég get ekki adblokkað auglýsingarnar án þess að þurrka líka út tenglana sem ég nota að staðaldri. Ég hef hingaðtil látið hafa það; þurrkað út allar myndirnar og lagt á minnið hvar ég smelli til að opna netbankann o.s.frv. En ég var að fikta í þessu áðan og opnaði fyrir myndirnar aftur, og sá þá þessa auglýsingu hérna:



    ,,Ekki núna, ég er að kaupa hlut í Microsoft í Netbankanum."

    Já er það.

    Ekki núna hvað? Er verið að kalla á hana til að gera eitthvað, en hún kemst ekki í það vegna þess að hún er að standa í viðskiptum, athafnakonan sem hún er? Það að hún skuli vera í baði kemur því náttúrulega ekkert við að hún er vant við látin.
    En hún er auðvitað ekkert í baði: hárið er einsog nýgreitt beint úr kassanum, og hún er nógu þurr á puttunum til að leggja hendur á lyklaborð. Staðreyndin er sú að hún er ekki þarna til að þrífa sig eða til að slappa af í karinu, heldur fer hún ,,í bað" til þess að hanga á netinu: lesa tölvupóst, skoða blóksíður, dánlóda klámi og eiga í verðbréfaviðskiptum. Og hversvegna ætli hún geri það? Vegna þess að hún hefur séð annað fólk gera það í heimskulegum auglýsingum rétt einsog þessari.

    Hversvegna í ósköpunum er sífellt verið að reyna að sannfæra fólk um að það sé kúl að draga fartölvurnar með sér útí sveit og uppá fjöll eða á djammið eða á stefnumótið eða útí geim? Ég er kannske ekki sá sem ætti helst að rífa sig yfir þessu, þarsem ég tek tölvuna mína með mér hvert á land sem er, en þetta er bara orðið svo absúrd. Ég fer ekki með tölvuna mína í sturtu og ég get alveg skilið við hana rétt á meðan ég fer til tannlæknis eða í vínsmökkun*.

    Þessi kerling getur það líka. Hún er bara orðin of kúl til að geta opnað tölvuna sína við skrifborð eða uppí sófa. Greyið.

    -b.

    *Ég hef reyndar bara einusinni farið í vínsmökkun.. afhverju í ósköpunum er mér ekki boðið í fleiri vínsmakkanir? Ég væri góður í svoleiðis.

    Seint / snemma?

    Jæja ég er vaknaður.. Ég tórði þartil um sjö í gærkvöld, var farinn að dotta skuggalega mikið og ákvað bara að gefast upp. Var þá nýbúinn að tala við Hall, en hann var að spá í að koma í bæinn á morgun, sagðist varla nenna að taka föstudagskvöldið. Svo vakna ég núna áðan, um fjögurleytið, við það að Hallur hringir í mig og spyr hvort hann megi krassa á sófanum. Ekki málið. En ég sofnaði ekkert aftur.

    Nú þarf ég bara að koma mér að skrifum. Vann auðvitað ekkert yfir daginn í gær, hausinn ekki á sínum stað. Réðst á Frakka í Civ á Prikinu, náði nokkrum borgum. Fór í Ríkið og keypti mér tvær kippur af Malt jólabjór (hann virðist ætla að endast framí Desember þetta árið), keypti mér söbbara og hjólaði heim. Náði að éta áður en ég sofnaði, en núna er ég að verða svangur aftur.

    Þessi síða er að fara í taugarnar á mér. Það vantar eitthvað mynd-element held ég. Hún er drabb og litlaus. Má ómögulega fara að vinna í því núna. Skrifa, Bjössi, skrifa núna.

    Helst í gær.

    -b.

    09 desember 2005

    Góðan dag

    Hún er að renna í tíu. Þetta er að hafast. Ég skrifaði nú ekki eins mikið og ég hefði viljað, en þetta er allavega komið vel af stað.

    Þreyttur er ég.

    En núna er sund. Fæ mér einsog eina bananananasamloku og svo til Más. Syndarinn..

    -b.

    Þrjár rúmar

    Búðin hérna fyrir neðan opnar eftir smá. Ég hef nú reyndar verið á fylleríi nógu lengi til að koma þar við fyrir svefn, þannig að þetta ætti í raun ekki að vera erfitt, en ég er orðinn ansi þreyttur. Allavega í hausnum. Mér sýnist líkaminn ekki vera að gefa nein uppgjafarmerki, enda gengur mér þokkalega vel að vélrita þetta raus..

    Rúmir tveir tímar í sund. Maður hressist nú við það.

    -b.

    Ein og hálf af tólf

    Þetta mjakast. Næsta dós tssk. Glúgg glúgg glúgg.

    Úbb, ég gleymdi að snúa dósinni áður en ég opnaði. Helvíti. Rétt upp hönd sem man eftir þeim brandara.. mig minnir að Ýmir eigi hann. En hann veit hinsvegar ekki af þessari síðu, held ég.

    Og ég held reyndar að ég geti talið lesendur hennar á fingrum annarrar handar, þó svo einn vantaði.

    Áðan sá ég besta X-files þátt sem ég hef lengi séð. ,,Jose Chung's 'From Outer Space' " heitir hann. Gott stöff. Þaráður sigraði ég í Popppunkts-spilinu með því að svína á föðurnafn Eivarar. Hvað var hún, Pálsdóttir? Já.. Það var aðeins meiri spenna maður. Svakalegur lokaspretturinn.

    -ekki það, ég hafði auðvitað svarað slatta rétt áður en kom að því. Fékk Nirvana sem valflokk í eitt skiptið og fyrir tvö stig svaraði ég því að fyrsta breiðskífa sveitarinnar héti 'Bleach' og hefði komið út '89. Ég var smeykur við þriggja stiga spurninguna en ég hefði þó svarað henni rétt, einsog ég komst að þegar ég fékk að heyra hana. Hvað um ÞIG, lesandi góður? Af hverjum tók Kurt Cobain mynd á plötuumslagi breiðskífunnar Nevermind?

    (Ég man ekki hvort ég heyrði svarið frá Agli eða einhverju satans tónlistarblaði á borð við Q. Kannske báðum.)

    En já. Að verki.

    -b.

    ,,You breathe a word of this to anyone and you're a dead man."

    Vell.. Zaphod's just this guy, you know?

    Þetta ,,galdradót" er bara frekar vont á bragðið og virkar ekki neittz. Nema að núna tel ég mig knúinn til þess að bæta z fyrir aftan orð sem þarfnast hennar ekki. Zetunnar.

    They're crazy, mixed-up animals, you know..

    Þetta skal nú samt hafast.

    -b.

    Nótt í dag

    Hefst þá önnur tilraun mín / til þess að vaka einsog svín.

    Í gær ætlaði ég að snúa sólarhringnum við, vaka yfir nóttina og framá kvöldið í kvöld, en klukkan sjö í morgun gafst ég upp og fór að sofa. En núna skal það hafast, og ég ætla bara að lofa uppí ermina á mér þannig að ég neyðist til þess að gera það.

    Auk þess verður þetta dulítil tilraun í leiðinni. Ég keypti mér tvær Magic dollur sem ég kem til með að drekka á eftir. Ég hef ekki drukkið þennan drykk, eða nokkurn orkudrykk, í fleiri ár. Og ég hef ekki smakkað kaffi í rúmt ár. Það er spurning hvaða áhrif þetta hefur.. áður fyrr gat ég drukkið þetta einsog vatn, en það sama mátti segja um kaffi. Einu sinni.

    Já, klukkan er 04:38 og ég þyrfti að fara að skrifa. Fyrsta dollan opnuð núna.

    -b.

    08 desember 2005

    Tónlist vs. þögn

    Gæti verið að það sé of mikið af tónlist í gangi hérna í kringum mig? Ég hef ekki pælt í því á þeim nótum áður, en ég sit hérna á Prikinu fyrir neðan hátalara sem spilar Aerosmith lag frá því einhverntíman fyrir aldamót og fer að hugsa um hvernig það væri að taka sneiðmynd af tónlistarlandslagi nútímans (hver sem sá nútími er, hvort það er fyrsti apríl '95 eða dagurinn í gær) og reyna að rýna í það nokkru seinna.

    Þetta væri annað en það að taka saman hittara og setja á safnplötu, Pottþétt 3.1415926...* Vegna þess að það eru ekki bara hittarar sem maður heyrir í útvarpinu hvoru sinni eða úr hátölurum á kaffihúsi eða útúr bílum sem keyra framhjá, það er slatti af drasli sem heyrist nokkrum sinnum og svo ekki meir. Og þetta overlappar líka; það er ekki ákveðinn pakki í spilun eina vikuna og svo er skipt yfir í glænýjan pakka hvern einasta sunnudag.

    Kannske er ég að hugsa þetta of mikið útfrá útvarpinu. En samt, bíðum við. Þetta var ekki pælingin.

    Því það er rosalega mikið af tónlist allstaðar. Ég hef ekki spáð í þessu áður, held ég, en það er stöðugt áreiti af þessum toga allstaðar. Í hverri einustu búð, fjöldamörgum vinnustöðum, bílum og hverskonar samgöngutækjum (leigubílum, fólksflutningabifreiðum, skipum, flugvélum og svo framvegis). Ég labba heim á eftir með mínídiskinn í eyrunum og kem svo heim og smelli á pandóru. Um leið og dagskrá sjónvarpsins sleppir eru spiluð tónlistarmyndbönd á öllum stöðvum.

    Ég er ekkert viss um að þetta sé hollt.

    Á hinn bóginn þá gæti þetta bara átt við um mig. Ég er viss um að ég sæki í þetta meira en góðu hófi gegnir. Maður venur sig uppá að hafa alltaf eitthvað í eyrunum og þarmeð verður þögnin ónáttúruleg.

    Hvað um það. Þessi morðverkur sem ég var með í hálsinum/herðunum í gær skánaði eitthvað í nótt og ég er með svona tvíplús-hálsríg einsog er. Var alveg ónýtur í allan gærdag og kom bókstaflega engu í verk. Núna hafði ég það hinsvegar að hlunkast niðrí bæ og sækja hjólið hans Helga úr viðgerð. Nýjir bremsuklossar og yfirhalning á bremsunum yfirhöfuð, 3.400krónur takk fyrir. Þetta er ekki gefins. Gott að geta bremsað aftur, samt. Alger munur.

    -b.

    *Það er reyndar ekki svo slæm hugmynd heldur. Patent pending.

    07 desember 2005

    Index of /~mim/video

    Don't ask ,,can I?", ask ,,I can!"

    You can control your bladder when you're dead!

    No blood, no oil!

    There's no I in ,,WIN"!

    06 desember 2005

    Prikið aftur

    Ég sit annars á Prikinu í fyrsta skipti eftir að þeir opnuðu aftur. Það var lokað hérna í nokkra daga vegna viðhalds, og ég varð nokkuð smeykur um að þessu yrði drekkt í ryðfríu stáli og beinhvítum veggjum.. eða eitthvað þaðanaf verra.

    En góðu heilli þá virðist engu hafa verið beinlínis skipt út, heldur gamla dótið gert upp. Stólarnir og borðin pússuð og lökkuð uppá nýtt, ofnarnir lagfærðir, innstungurnar endurnýjaðar, ofnarnir bættir.. kannske skipt um eina og eina hurð sem var hætt að virka, en annars er allt einsog það var. Gólfið hefði nú alveg mátt við einhverjum viðgerðum, en þeim hefur vísast ekki fundist taka því.

    Þetta virkar allavega fyrir mig. Gó Prik.

    -b.

    Blókaðu þetta, Gramsci!

    Það ætlar að taka umtalsverðan tíma að venja blogthis-fídusinn minn í eldrefnum á að keyra upp glugga fyrir liðhlaupið í stað vitleysinga.. mig minnir einsog það hafi verið stilling fyrir þetta einhverstaðar en ég hef ekki fundið hana ennþá. Þannig að núna er þetta happa glappa bara á hvoru það lendir við hvert hægriklikk.

    Mig grunar reyndar að það hafi með síðurnar að gera.. þ.e.a.s. að það séu tengsl milli þess hvaða síður ég hægrismelli á og hvaða blók ég fæ upp í glugganum. Það er samt alltaf annaðhvort þessarra tveggja, en aldrei hin þrjú sem ég er með á skrá (en nota ekki neitt og ætti í raun að vera löngu búinn að henda).

    Hvað um það. Hafið hér skilgreiningu wikipedíu á ,,hegemony":
    Hegemony is the dominance of one group over other groups, with or without the threat of force, to the extent that, for instance, the dominant party can dictate the terms of trade to its advantage; more broadly, cultural perspectives become skewed to favor the dominant group. Hegemony controls the ways that ideas become "naturalized" in a process that informs notions of common sense.

    Ég er að spá hvort ég geti ekki leitt þetta inní kenningar Foucault um sannleika og þá blekkingu að kynlífsumræða sé eitthvað tabú í þjóðfélaginu. Marxisminn kemur til bjargar. Og Baudrillard líka. Þetta gengur upp í hausnum á mér, en ég þarf að renna í gegnum þetta og sjá svo hvort ég geti smíðað úr því ritgerð. Það gengur ekki alltaf upp, og síðasta ritgerð sem ég skrifaði með aðstoð Baudrillard er ekta dæmi um það.

    Heyrðu ég ætlaði annars ekkert að fara útí þessa sálma [það er hrikalegt hvað ég er farinn að nota bakkspeisið mikið. Á eftir speisinu sjálfu er hann líklegast sá lykill sem fær mest að puða á þessum bæ]. Það sem ég vildi sagt hafa er að My Point of View með Herbie Hancock er helvíti fín plata. Og það er Ten Eleven með El Ten Eleven líka. Og að segja ,,Tom Waits" hátt og snjallt áður en maður opnar Pandórukassann gefur manni fullt af eðalmússík í stað allra hörmunga mannkyns. Hvílíkur munur.

    -b.

    05 desember 2005

    RÚV hf.

    Sjá mbl.is

    Ég er búinn að fá meira en nóg af þessari kerlingu og þessum helvítis klúbbi sem hún telur sig til. Það sem ég ætla að gera er að senda harðort bréf og síðan ekki söguna meir. Hmp!

    Ja, ég er reyndar búinn að því. En hér er það.
    Sæl og blessuð Þorgerður.

    [ég] heiti ég og er nemi við Háskóla Íslands. Við þekkjumst ekki.

    Mér þótti samt sem áður rétt að heilsa upp á þig og vita hvort þú værir ekki til í að fara að hætta þessari vitleysu. Þú sækir það fastar en hamar í steðja að láta mig borga peninga fyrir það eitt að ganga í skólann minn, þú vilt endilega að litlu bræður mínir flýti sér sem mest þeir mega í gegnum framhaldsskólann svo þeir missi ekki af nýju samræmdu prófunum, og fyrir ekki svo löngu síðan brettuð þið upp ermarnar þarna í klúbbnum ykkar niðrí í Valhöll og selduð símann minn. Gott og vel, þér er greinilega slétt sama um að vera blótað í sand og ösku af þorra framhaldsskólanema landsins og hverjum einasta háskólanema sem er fluttur að heiman og þarf að borga sína reikninga sjálfur (sem útilokar allnokkra af þeim SUSurum sem þú kannast eflaust við og þykir þetta rosa fín hugmynd). En nú þegar ég bregð mér af bæ til að vinna fyrir salti í grautinn og pennum í brjóstvasann (námslánin hrökkva skammt, skal ég segja þér, en látum það eiga sig í bili) þá ætlar þú að vaða inn á skítugum skónum og selja sjónvarpið mitt.

    Það ALLRA síðasta sem vantar í kassann hjá mér er ein einkarekin sjónvarpsstöð í viðbót. Ég veit ekki með þig, en mér þykir gott að hugsa til þess að einhverstaðar sé verið að pæla í því hvaða efni _mig_ kynni að langa að horfa á í sjónvarpinu, frekar en hvaða þætti eða kvikmyndir einhver tiltekinn auglýsandi er til í að borga undir. Nú gæti ég lagst út í frekari samanburð á þessu öllu saman, en þú hefur unnið hjá RÚV og ættir að vita hvað ég er að tala um. Sem eykur reyndar frekar undrun mína á því að þér skuli detta það í hug að bera þetta fyrir þing.

    Hvað um það. Ætli þið fáið þetta ekki í gegn með fautaskapnum eins og allt annað. Mig langaði bara að láta þig vita að ég er vægast sagt ósáttur við það hvernig þú hefur hagað störfum þínum í þessu embætti fram til þessa, og ég vildi óska þess að þú færir nú að slappa af.. Enda sjálfsagt ekki mikið fleira sem þú getur reynt að skemma fyrir mér og mínum áður en það kemur að kosningum.

    Virðingarfyllst,

    [ég]
    Nú sjáum við hvar Magnús keypti miskunnina.

    -b.

    Hm?

    Don't call me gigolo, don't call me Casanova
    just call me on the phone and baby come on over
    when you need someone to
    when you need someone to...

    Make love like a man
    I'm a man
    that's what I am, yeah

    Þessvegna kinka ég ósjálfrátt kolli!

    Based on what you've told us so far, we're playing this track because it features hard rock roots, a subtle use of vocal harmony, mild rythmic syncopation, extensive vamping and a vocal-centric aesthetic.
    Þetta er samt frekar brothætt viðmið.. það kemur hellingur af drasli uppúr þessu. Ellis alltaf með púlsinn á puttanum.

    Hei, svo á hann Kandinsky kallinn afmæli í dag. Svei mér þá alla mína.

    -b.

    Klár

    Heimaprófið í Foucault svo til komið í sekkinn gráa. Sef á gaurnum og sendann á morgun.

    Fór í heimsókn til Völla og Körnu áðan. Ég kem vísast til með að hirða/kaupa eitthvað dót frá þeim þarsem þau eru að flytja til Nýja-Sjálands eftir nokkrar vikur og ætla að taka lítið sem ekkert með sér. Hvað það verður veit nú enginn...

    Afsakið, þarna datt ég inní einhverja jólavísuna. Þau eru víst yfirvofandi, jólin. Hm.

    -b.

    toefl könnun

    Til þess að stunda nám í BNA þarf maður víst að taka toefl-prófið svokallaða (test of english as a foreign language held ég alveg örugglega), og ég var að tékka á því núna rétt áðan, svona að sjá við hverju maður ætti að búast. En úff. Hér er sýnishorn:
    "On the recording, you will hear:
    (woman) I don't like this painting very much.
    (man) Neither do I.
    (narrator) What does the man mean?

    In your test book, you will read:

    A. He doesn't like the painting either.

    B. He doesn't know how to paint.

    C. He doesn't have any paintings.

    D. He doesn't know what to do.

    You learn from the conversation that neither the man nor the woman likes the painting. The best answer to the question, 'What does the man mean?' is A, 'He doesn't like the painting either.' Therefore, the correct choice is A."
    ..og ætli maður þurfi ekki að borga pening fyrir þetta líka. Því gæti ég trúað.

    *brr*

    -b.

    02 desember 2005

    Og refurinn kallaði ,,eldur"

    Góða hugmynd. Farðu á djammið með nýju klærnar þínar, sem skjótast framúr ermunum og eiga eftir að hafa augað úr einhverjum..

    Aðeins meira vesen á netinu hjá karlinum í dag. Helvítis proxy-serverinn hjá hi bara með kjaft. En núna er allt komið í lag aftur og ég get farið að grúva með nýja eldrefnum aftur. Já og nýju viðbótunum, sem eru náttúrulega ofursexí.

    Stumbleupon er eitthvað sem ég hékk í langt framá nótt í gær, og þar fann ég m.a. þetta dót hérna fyrir ofan.

    foXpose gerir manni kleyft að búa til litla thumbnaila úr flipunum sem eru opnir þannig að maður getur litið yfir þá og klikkað á einn til að opna.. Voða kúl, en kannske ekki rosa notadrjúgt. Veit ekki, það kemur í ljós.

    Fasterfox virkar svipað og önnur viðbót sem ég var með áður en henti.. eða það breytir stillingunum þannig að gaurinn verður mun hraðari, leyfir manni að nýta háhraða-nettenginguna mun betur. Rosa grúv, það.

    ..og svo halda adblock og tab clicking options auðvitað áfram að rokka katspað. Skemmtilegur fídus í Eldref 1.5 að það er hægt að færa flipana til og frá á ránni.. enn og aftur efast ég um notagildið, en hva. Gaman að þessu.

    Net net net.

    -b.

    Guess-the-google

    Er að grúva með nýju stumble viðbótinni við nýja 1.5 eldrefinn. Rosa stuð. Náði 278 stigum í þessum hérna leik. Í annarri tilraun. Geri aðrir betur.

    -b.

    30 nóvember 2005

    stílbrots-tanka af kaffihúsi

    grænt te í bolla
    og borðplata úr timbri
    hvergi sólarljós
    frostbitnar ungmeyjarnar
    eru mjúkar að innan

    Kaffihúsabrölt

    Nú sit ég á Kaffibrennslunni. Það er aldeilis nýtt. Prikið er ennþá lokað vegna viðgerða (en svoleiðis er einmitt ídeal efni til að setja á heimasíðuna, kæra Prik), og verandi með mína ókunnu-staða-fóbíu þótti mér ráðlegast að fara hingað í staðinn.

    Reyndar er aðeins fleira sem kemur þar að, en ég hef nokkur viðmið þegar kemur að svona löguðu:
    • Ég þarf að geta setið upp við vegg.
    • ..allra helst í horni, en það er bara bónus í rauninni.
    • Það má hvorki vera of bjart né of pússað. Timbur og skökk málverk vekja oft lukku.
    • Þetta á sérstaklega við um stólana. Plast- eða málmstólar eru alveg síðasta sort.

    Annað sem ég tel staðnum til góða en finnst samt ekki dauðnauðsynlegt er t.a.m. gott borðpláss, þráðlaust internet, rafmagnsinnstungur (sem hægt er að nýta til að hlaða síma eða tölvu, til dæmis), útsýni, almennileg þjónusta og reykleysi.

    Mér finnst líka gott að geta ekki séð allan staðinn frá því þar sem ég sit, en það kemur inná það sem mér finnst skipta kannske mestu máli, og það er að ég geti fengið að vera í friði. Ég gæti verið með góðan drykk í hönd, umkringdur betra fólki á besta kaffihúsi sem ég hefði nokkurntíman stigið inná, en ef þjónustuliðið kæmi til mín á hálftíma fresti til að gá hvernig ég hefði það þá væri ég farinn á nótæm. Ef þú vilt endilega hafa stöðuga róteringu á borðunum þá ættirðu að vera að reka skyndibitastað, ekki kaffihús.

    En þessi staður er fínn. Tebollinn er í minni kantinum, en það er hinsvegar mátulega stórt hald á honum.. eitthvað sem ég get í raun og veru komið vísifingrinum inní, ekki einhver nybba sem ég þarf að grípa á milli þumals, vísifingurs og löngutangar. Hata svoleiðis.

    Þannig hafa þeir það á Te og kaffi. Og þar er líka alltof alltof bjart. Og það eru krakkar þar! Börn! Og þess utan stanslaus hávaði í vélunum bakvið borðið.. bókstaflega ekki samræðufriður.

    Ég er að spá í að gefa sjálfum mér svona límmiða í jólagjöf:



    -b.

    Hugmyndin að Super Mario Bros

    I thought: "I wonder what it would be like to have a character that bounces around. And the background should be a clear, blue sky."
    Þetta er án gríns það sem hann segir að hafi verið kveikjan. Aðeins einfaldari hugmynd.. Skopp og blár himinn.

    Ég sé fyrir mér gaurinn sem bjó til Doom segja ,,Mér datt bara í hug að búa til persónu sem gæti snúið sér í hring. Og það væri kannske blóð einhverstaðar."

    En reyndar er þetta ekki svo galið. Svona leikir byggjast náttúrulega að nær öllu leyti á því hvernig leikmaðurinn getur athafnað sig í umhverfi leiksins.. og hoppin hjá honum Mario karlinum eru auðvitað síðan orðin ðí stöff of ledjend.

    Ég man að Hallur, sem hefur ætíð verið forfallinn fps sjúklingur, sagði mér einhverntíman að stóra málið í kringum Quake hefði ekki síst verið það að umhverfið, svæðið sem þú hreyfðir þig um í, var forritað í þremur víddum. Þ.e.a.s. að þú gast gengið yfir einhverja brú einhverstaðar, labbað upp stiga, og gengið síðan yfir aðra brú sem lá þvert á hina, einsog í kross. Áður höfðu ekki verið til svona lagskipt borð í þrívíddar-skotleikjum.

    Og ef ég man rétt þá gat maður líka flogið?

    -b.

    Vantar þig kústaskáp?

    8m3 herbergi til leigu, auglýst á studentamidlun.is. Nokkuð stór rúmdýna getur fylgt með, segir þarna. Nújæja.. bónus.

    Víst er ég fokking snillingur

    Þetta próf sagði mér það:




    Your IQ Is 120



    Your Logical Intelligence is Below Average


    Your Verbal Intelligence is Exceptional


    Your Mathematical Intelligence is Exceptional


    Your General Knowledge is Above Average


    ..ekki orð um það meir, hm.

    Mikið ofsalega er mér illa við Valgerði Sverrisdóttur. Svo mjög að ég man hvað hún heitir. Far þú fjandans til, Valgerður.

    -b.

    29 nóvember 2005

    Uppáhalds álegg

    10-11 hérna niðri eru farnir að selja Búrfells lifrakæfu. Loksins, segi ég. Búrfells lifrakæfan er, einsog alþjóð ætti að vita, besta lifrakæfa sem þjóðin hefur alið af sér, ef ekki hreinlega besta álegg (ef við skilgreinum álegg sem eitthvað-sem-hægt-er-að-hafa-oná-brauð-en-varla-éta-eintómt) sem fram hefur komið í árþúsundir.

    Ég sé að Már hefur hringt í mig klukkan nítján mínútur yfir átta í morgun, og ég sé að ég hef meira að segja svarað hringingunni. En ég man ekki eftir því fyrir mitt litla líf. Svaf til rúmlega tólf og fór létt með það.

    -b.

    Brakandi battlstjarna

    Tíundi þáttur annarrar seríu ,,Battlestar Galactica" er to be continued.. þáttur og nú er ég súr. Næsti þáttur kemur í sjónvarpið úti í febrúar minnir mig. Reyndar er þátturinn nokkuð slappur. Tónlistin er hræðileg. Mér fannst tónlistin í fyrstu seríunni einmitt helvíti vel við hæfi, en henni hefur farið halloka í seinni þáttaröð. Tíundi þáttur var alger botn hvað það varðar.

    Sjónvarpið maður.

    Hunt's tómatsósa hefur verið 100% tómatvara í nokkur ár, í auglýsingum og svona. En nú þarf að keyra allt í botn: Hún er auglýst sem jafnvel meira en hundrað prósent! Tómatsósan sem hirðir ekki um stærðfræði! Hamingja og franskar í áttunda himni.

    Þegar ég braka í puttunum þá geri ég það oftastnær svona einn í einu og í þessari röð:
    1. þumall hægri handar
    2. þumall vinstri handar
    3. baugfingur hægri handar
    4. baugfingur vinstri handar
    5. vísifingur hægri handar
    6. vísifingur vinstri handar
    ..stundum hætti ég bara eftir þessa rútínu. Og held áfram að gera það sem ég var að gera, enda er þetta eitthvað sem ég dett oní þegar ég er með hugann við annað, en hendurnar þurfa að gera eitthvað. Það að taka saman greipar og braka í öllusaman svona krakkakrakk er allt annar hlutur. Það er meðvitað verk einsog að sparka í vegg eða fleygja upp hornunum.

    Aðferðin sem ég nota oftast og gildir fyrir þessa röð hér fyrir ofan er svohljóðandi: þumlarnir eru fyrstir, en þá klemmi ég fremsta hluta þumalsins á milli vísifingurs og löngutangar sömu handar, og toga hann uppávið um leið og ég herði takið með vísifingri. Þetta er svolítið eins og að brjóta sprek á læri sér.
    Hina fingurna tek ég einfaldlega með þumlinum og herði takið þartil þeir gefast upp..

    Það kemur samt fyrir að ég klára restina af puttunum og þá fer það yfirleitt svona:
    1. litliputti hægri handar
    2. litliputti vinstri handar
    3. langatöng hægri handar
    4. langatöng vinstri handar
    Þetta er vegna þess að það brakar sjaldan sem aldrei í löngutöngum, en kannske eilítið oftar en svo í litluputtunum.

    Í framhaldi af þessu gæti ég farið útí að snúa uppá puttana og braka þá í fyrstu kjúkum fyrir ofan hnúa. En þá geng ég venjulega frá vísifingri að litlaputta á hægri hönd og svo sama ferli á vinstri hönd (þetta virkar hinsvegar ekki á þumalinn).

    Síðan get ég brakað í öllum tánum mínum með þeim einum saman.. þ.e.a.s. hendurnar þurfa hvergi að koma nálægt. En það er efni í heilan póst í sjálfu sér.

    ...

    Strákarnir vilja mæta í ræktina klukkan átta í fyrramálið. Þeir eru snar.

    -b.

    28 nóvember 2005

    Nú hef ég setið hér í sirka sex tíma

    Don't let it end like this. Tell them I said something.

    Everybody treats me like some kind of lowlife just because I'm the symbolic embodiment of all the evil in the universe.

    Afhverju hef ég aldrei heyrt minnst á þetta áður?

    Og þessi bók er aðeins meira fokkt öpp. Hvað þá þessi hér. Sjá mynd:



    Meira dundrið.

    -b.

    26 nóvember 2005

    Skemmri laugardagur

    Ansi góður ræktari í dag. Vaknaði auðvitað alltof seint og með smá tak í herðunum, en þá er massív axlarpressa allra meina bót. Sit á Prikinu núna og var að klára lítinn bjór + vatnsglas, í kvöld stendur til tortillu-át með Má (og e.t.v. Davíð) og svo jólabjór. Það er fyrsti í aðventu á morgun svo það er allt í lagi.

    Þýðingarvinnan fær eitthvað að sitja á hakanum ennþá.

    -b.

    25 nóvember 2005

    Enn af sjónvarpi

    Ah, sæ fæ. Hvar væri keppur minn án þín?

    Ég er að verða búinn með fyrstu þáttaröð af ,,Battlestar Galactica". Get ekki hætt. Ég veit ekki hvort ég er bara farinn að ná í gott sjónvarp eða hvort viðmiðin mín fara lækkandi.. mig grunar reyndar að ég hafi haft fordóma gagnvart þessum þáttum síðan ég sá Warren Ellis minnast á þá í einhverjum dálknum þarsem hann var að bera saman teiknimyndasöguna From Hell og bíómyndina sem var byggð á henni. Kvótið var einhvernvegin svona:
    If the movie was an episode of Battlestar Galactica with a guest appearance by the Smurfs and everyone spoke Dutch, the graphic novel is Citizen Kane with added sex scenes and music by your favourite ten bands and everyone in the world you ever hated dies at the end.
    -Mor gúddness.

    ..en hvað veit hann sosum. Mér þykir nokkuð skemmtilegt að sjá þátt sem grípur til grískrar (nb. ekki latneskrar) goðafræði og hefur bara gaman af að velta sér uppúr því. Pláneturnar eru skírðar eftir stjörnumerkjunum, for cryin' out loud. Og þessi togstreita á milli eingyðis- og fjölgyðistrúar vekur upp ýmsar spurningar.. Jú og svo er þetta líka ágætis tilbreyting frá því einsleita batteríi sem ,,Star Trek" er (þótt ég hafi nú alltaf haft gaman af Star Trek). Hver einasti þáttur endar ekki á fullvissunardæmi þess efnis að skipstjórinn sé besta manneskja sem litið hefur dagsins.. geim.

    Fór með Martoni og Má á Lord of War áðan og hafði bara gaman af. Einstaka veikir punktar, þá kannske helst í voís óverinu (gef mér orð, nýyrðamenn). Gott dæmi: ,,They say 'evil prevails when good men do nothing'. What they should say is 'evil prevails'."
    Fín hugmynd en arfaslök tenging á milli. Þegar þú vilt koma því til skila að fólk ætti að segja eitthvað eitt í staðinn fyrir annað þá gerirðu það alls ekki með því að segja ,,fólk ætti að segja".

    ..það er að segja í bíómynd. Það er allt í lagi að gera það á netinu.

    -b.

    24 nóvember 2005

    eXTReMe Tracking - Science

    Ég er sífellt að ákveða eitthvað seint að nóttu eða kvöldi sem ég fell síðan frá þegar ég vakna daginn eftir. Heimurinn er einhvernvegin allt annar.

    Sem minnir mig á nokkuð sem Foucault sagði, og kom fram í tímanum í gær, að maður gæti ekki búist við því að lausnir fyrri tíma gætu leyst vandamál nútímans.
    Hann sagði þetta náttúrulega ekki í þessum beinu orðum. Enda var maðurinn franskur. Og hann átti jú við ,,fyrri tíma" einsog hið klassíska skeið vestrænnar siðmenningar, en punkturinn stendur enn. Hugtök og rannsóknir spretta upp úr samfélagi hvers tíma sem elur þau, sem þýðir að niðurstöður fyrri tíma geta kannske gefið einhverja vísbendingu um lausn, en standa ekki gildar í sjálfum sér.

    Já, ég gæti reyndar heftað eitthvað aðeins neðan á þetta, en ég nenni því ekki. Ég þarf að fara að horfa á Battlestar Galactica, post haste!

    -b.

    23 nóvember 2005

    Foucault, frh.

    Ég er búinn með þetta núna, held ég bara. Ágætis dagsverk.

    22 nóvember 2005

    Foucault

    Ókei, ég er að vinna að fyrirlestrinum núna. Alveg satt.

    Kaffi leið(i)

    Það hefur komið fyrir tvisvar, og núna í þriðja skiptið, síðan ég hætti að drekka kaffi, að mig hefur langað í kaffibolla. Ég sá mynd af kaffibolla á skrifborði og ég fékk bragðið af rjúkandi kaffi með mjólk uppí mig (svona einsog þegar maður hugsar um bragðið af rosa sterkum brjóssigg og fær sting í tunguna). Núna ágerist það bara. Málið er að ég á nóg af kaffi hérna heima, og græjurnar til að búa það til (allt reddí fyrir gestina sko), en langar mig í raun og veru til að drekka kaffi?

    Það er bara ein leið til að komast að því.

    ..en það þýðir samt ekki að ég þurfi að fara þá leið. Stundum er betur heima setið en af stað farið.

    Á hinn bóginn gæti þetta verið eintóm vitleysa í mér. Afhverju ætti ég ekki að geta drukkið kaffi einsog annað fólk? Ég hætti að drekka það, hef ekki bragðað það síðan, og hef þannig sannað fyrir sjálfum mér að ég er ekki háður því (ef það var einhverntíman til umræðu)..

    Þetta er reyndar svolítið flókið dæmi, að vera háður einhverju eða ekki. Ég er viss um að einhver myndi telja mig alkahólista, en ég hef nokkuð oft tekið mér pásu í þeim efnum án þess að líða illa (að öðru leyti en því að mér hefur leiðst að hanga edrú með fylliríngjum og fara snemma heim). Kannske hefur það ekki nóg að segja, ég treysti mér ekki til að fullyrða um neitt..

    Víst var mér farið að líða illa af kaffidrykkju á sínum tíma, en hluti af ástæðunni fyrir því að ég hætti bara var sá að ég vildi gá hvort það væri eitthvað vandamál fyrir mig. Og það var það alls ekki. Það var svipað þegar ég hætti að éta sælgæti á sínum tíma (sem ég hef reyndar læðst aðeins í aftur uppá síðkastið, bölvaður), en ég saknaði þess ekki heldur.

    En það vekur upp spurningar um almennt viðhorf manns til umhverfisins. Ef ég get sleppt takinu af svona löguðu án þess að pæla mikið í því, segir það þá eitthvað um samband mitt við aðra hluti og jafnvel fólkið í kringum mig?
    Ég ætla alls ekki að halda því fram að ég sé laus við alla fíkn (síður en svo), en svoleiðis manneskja hlýtur að skynja heiminn á annan hátt en bræður hennar. Og varla er þetta annaðhvort-eða, við skyldum ætla að fólk sé á einhverjum skala þegar kemur að þessu einsog öðru.

    Kannske er þetta bara ég að leita að staðfestingu á því að ég sé geðveikur þannig að ég geti hætt að haga mér einsog maður. Það sem mér líkar verst í eigin fari er það hversu auðvelt ég á með að réttlæta eigin vitleysu fyrir sjálfum mér.

    -b.

    Kvót dagsins: ,,Battlestar Galactica"

    -They better start having babies.
    (þögn)
    - ..Is that an order?

    21 nóvember 2005

    Enn af draumi

    Ég mundi meira af draumum næturinnar núna áðan inná Bókhlöðu. Ég sat með honum Halli oná frekar hárri byggingu, og til hinnar hliðarinnar við mig sat einhver bjáni. Hallur fór að atast í honum, svona einsog honum er lagið, og allar tilraunir mínar til að stilla til friðar dóu fyrir daufum eyrum. Loks fer Hallur að slá til þessa flóns yfir mig (þar sem ég sit á milli þeirra ennþá) og ég öskra þá á hann að slaka á því hann eigi eftir að detta framaf.

    Nú sagði ég þetta ekki bara til þess að fá hann til að hætta þessari vitleysu, heldur líka vegna þess að ég fékk það á tilfinninguna að hann ætti í raun eftir að detta framaf, og að ég gæti óttalega lítið gert í því.. en með því að láta hann vita af því að ég sæi framá það hafði ég allavega gert eitthvað - eða ég gæti a.m.k. haldið því fram.

    Það kom mér þessvegna ekki á óvart þegar áflogin ágerðust og Hallur missti fótana. Hann rann niður eftir þakinu með aulann í eftirdragi, en ég reyndi að teygja aðra löppina niður á eftir honum svo hann gæti gripið í, og hélt með annarri höndinni í súðina. Bjálfinn greip í mig, Hallur greip í hann, en missti takið og féll niðuraf þakinu. Ég heyrði meira að segja dynkinn sem kom þegar hann lenti á malbikinu fyrir neðan.

    Mjög óþægilegur draumur..

    -b.

    Kapítalískir draumar

    Mig dreymdi í nótt að ég væri á harðahlaupum frá barnaskólanum mínum gamla að gagnfræðaskólanum, en þegar ég var að koma að dyrunum fattaði ég að ég var ekki lengur nemandi þar, og tók stefnuna á fjölbrautarskólann. Til þess að komast þangað þurfti ég reyndar að fara í gegnum leikfangabúð á inniskónum mínum - ennþá á harðahlaupum.

    Ég kveikti samt ekki á því fyrren ég vaknaði að ég er ekkert í fjölbrautarskólanum heldur.

    Síðan var ég líka að lesa einhverja bók, sem ég man ekki um hvað fjallaði, en ein setning situr eftir af einhverjum ástæðum:
    In Solamnan, a thing's value lay not in how much it cost, but in how very, very expensive it was.
    Málið er að ég man óljóslega eftir því að hafa verið að lesa þessa línu, og þarsem ég gaf mér að þetta Solamnan væri fyrirmyndarríki þá breytti ég ,,lay in how much it cost" í ,,lay not in how much it cost" jafnóðum og ég las. En þá kom þessi viðbót.. einhver átök í gangi þarna.

    Ég er farinn að stressa mig á því hversu fáum blaðsíðum ég skila í dag. Þetta eru bara fimm síður, tæpar.. Vona að það blessist einhvernvegin.

    -b.

    I, for one..

    Starbucks To Begin Sinister 'Phase Two' Of Operation

    Though the coffee chain's specific plans are not known, existing Starbucks franchises across the nation have been locked down with titanium shutters across all windows. In each coffee shop's door hangs the familiar Starbucks logo, slightly altered to present the familiar mermaid figure as a cyclopean mermaid whose all-seeing eye forms the apex of a world-spanning pyramid.

    20 nóvember 2005

    Að sofa er ekki að vinna

    Núna áðan datt mér í hug að setja í nokkrar vélar og eiga þannig hreina sokka til að fara í á morgun. Rosa fín hugmynd, í sjálfu sér. En þegar ég tók úr seinni vélinni núna rétt í þessu sá ég að ég hafði gleymt að taka æfingaprógrammið úr bláu buxunum, þannig að bréfið hafði blotnað í vasanum, leyst upp og hlaðist utaná öll hin fötin í vélinni einsog pappírsflasa. Ég nenni ekki að þvo þetta allt aftur, vona bara að draslið hverfi einhvernvegin í þurrkaranum.

    ...

    Ég vakti frameftir öllu á fimmtudaginn, glápandi á eitthvað rusl og vinnandi í því að koma nýrri heimasíðu Torfhildar í rétt horf, þannig að þegar ég vaknaði klukkan rúmlega átta til að mæta á málþingið hafði ég sofið í kannske þrjá tíma. Svo fór ég að vinna um þrjúleytið og vann til rúmlega tólf. Kom heim, svaf í fimm tíma sirka og fór aftur í vinnuna. Kom heim um fjögurleytið og lagðist uppí rúm og glápti á eitthvað í sjónvarpinu.. reyndi síðan að kíkja í partí til Tinnu, drakk rúmlega einn bjór og smá viskí en var geispandi einsog gamall maður og hálfsvimaði af því litla áfengi sem ég hafði drukkið (án þess þó að finna mikið á mér).

    Þannig að ég fór heim og svaf.

    Datt í hug önnur leið til að fokka í bannernum á nýju síðunni. Prófa það núna, hei!

    -b.

    18 nóvember 2005

    Matur og myndir

    Ég vaknaði fyrir allar aldir í morgun. 08:20 held ég. Og aldeilis ekki af sjálfsdáðum, ónei.

    Það er hugvísindaþing í dag, og það eina sem ég var spenntur fyrir var á bilinu hálfníu til hálfellefu. Þannig að ég reif mig á lappir eftir rúmlega þriggja tíma svefn og var samferða Inga Birni niðri Aðalbyggingu. Það verður sérstaklega spennandi að sjá hvað verður úr þessum DV pælingum hans Guðna, en reyndar voru allir fyrirlesararnir að kynna nokkuð skemmtileg efni.

    Á leiðinni heim kom ég við í 10-11 hérna niðri og kiptti með mér mjólkurfernu. Jólamjólkin er komin í búðir, veröld sé lof. Ég var samt ekki alveg nógu sáttur við sendinguna sem þau hafa fengið hérna í hús, þar sem þessi svokallaða ,,jóla"-mjólk rennur út heilum mánuði fyrir aðfangadag. Sjá:



    Súr og kekkjótt mjólk er alls ekki líkleg til að koma mér í jólaskapið, skal ég segja ykkur.

    -Annars er þetta, svo ég komi því nú að, aðalkosturinn sem ég sé við að eiga myndavél. Tækifærismyndir eru góðar og skemmtilegar og allt það, en þarsem maður er jú með þetta skrásetningarbrjálæði endalaust, þá er þessi kostur mikill haukur í horni fyrir karlinn. Ef ég rek augun í eitthvað sem mig langar til að muna eða eiga eða deila þá get ég bara tekið mynd af því.
    Ég get ekki gert það upp við mig hvort myndaflúrrían sem maður sér á ákveðnum heima- og blóksíðum er ákveðið framhald af þessu eða hreinlega allt önnur skepna.. Getur verið að það sé skrásetningarþörf sem fær fólk til að taka myndir af sjálfu sér í mismunandi múnderingum svo að segja daglega, eða mynd eftir mynd eftir mynd af sömu fjallasýninni útum gluggann hjá sér?

    Síðan ég kláraði síðustu efnisgrein er ég búinn að matreiða (og borða) hádegismatinn minn: tvær samlokur. Þær eru hér:



    Mikið er þetta girnileg mynd.

    -b.

    17 nóvember 2005

    Fámennar gæsalappir

    Af nörd.is, heimasíðu tölvunarfræðinema:
    Vísindaferðinni sem átti að vera á morgun, föstudag, verður aflýst vegna þess hve fáir eru búnir að skrá sig.
    Ég tel mig geta ábyrgst það að svonalagað hefði aldrei komið fyrir í bókmenntafræðinni, ef ekki hugvísindaskorinni allri.

    Ég hvarf frá ómögulegri síðuuppsetningu eftir hárrétta gagnrýni frá honum Davíð.. Fólk þarf myndir. Myndir myndir myndir. Kannske ég ætti að setja einhverja mynd hér á þessa síðu líka? Nóvemberkaktusinn minn væri góður hedder. Eða eitthvert fylleríislandslagið. Eða ,,byssan" með gæsalöppum.

    Nei, ég sjálfur að merkja drauga-gæsalappir fyrir ofan höfuð mitt. Ég held öngunum útfyrir þessa tvo dálka og umlyk þá báða með gæsalöppum. Hversu mikill rosi er það?

    Ansi mikill rosi, það er hversu mikill rosi það er.

    -b.

    Maður lifir ekki á Eldrefnum einum og sér

    Ein af þeim eldrefs-viðbótum sem ég get ekki mælt nógsamlega með er Tab Clicking Options, en með henni getur maður lokað flipum með tvíklikki. Ég hef ekki snert bévað x-ið þarna til hliðar svo mánuðum skiptir. Og tvíklikk á auða svæðið til hliðar við flipana opnar nýja flipa (sem ég nota reyndar ekki, ctrl+t er mun fljótlegra).

    En þá kemur fyrir að ég tvíklikka óvart á einhvern grúví flipa.. sem er leitt. En þá kemur hinn réttnefndi undoclosetab til sögunnar. Hægrismellari og flipinn er kominn aftur á sinn stað. Frábært!

    Þetta eru líklegast þær viðbætur sem ég nota hvað mest, en fast á hæla þeirra kemur Proxy Button, en með því að smella á hann opna ég eða loka fyrir tengingu við proxyserverinn sem er skráður í eldrefs-stillingunum. Ég þarf að nota proxy.rhi.hi.is heima, en á þráðlausum nettengingum niðrí bæ (einsog á Prikinu, þarsem ég sit núna) þarf ekkert slíkt. Áður þurfti ég alltaf að fara oní stillingarnar og haka af ,,Use proxy server" eða eitthvað þvíumlíkt. En aldrei meir!

    Aðeins meiri hraði, félagar. Munar öllu.

    -b.

    Ah, hvað er klukkan?

    Nú, veldu þér hljómsveit eða tónlistarmann og svaraðu með lagatitlum hennar / hans.
    Ókei. Ég vel Cannibal Corpse.

    -----
    Ertu karl- eða kvenkyns? I Cum Blood

    Lýstu sjálfum þér. Rancid Amputation

    Hvað finnst fólki um þig? Coffinfeeder

    Hvað finnst þér um sjálfan þig? A Skull Full of Maggots

    Lýstu þinni fyrrverandi. She Was Asking for It

    Lýstu þinni núverandi. Raped by the Beast

    Hvar viltu vera? Buried in the Backyard

    Hvað viltu vera? Stripped, Raped and Strangled

    Hvernig viltu lifa? Staring Through the Eyes of the Dead

    Hvar viltu lifa? (dulítil endurtekning..) Chambers of Blood

    Hvernig elskarðu? Centuries of Torment

    Og komdu svo með nokkur vísdómsorð. Entrails Ripped from a Virgin's Cunt
    -----

    Þessir titlar eru teknir af plötunum Tomb of the Mutilated, Butchered at Birth, Bloodthirst, Eaten Back to Life, The Bleeding og Gallery of Suicide.

    Þetta gæti verið besta klukk sem ég hef hrækt frá mér.

    -b.

    Hildur þýðir 'orrusta'

    Ég er í bölvuðum vítahring hvað varðar svefn og vöku og svoleiðis. Vaki langt framá nótt afþví ég nenni ekki að fara að sofa og vakna ekki fyrren seint og síðarmeir afþví ég nenni ekki að fara á lappir.

    Reyndar ætla ég að fara að koma mér í bælið núna, en þar með er ég að stíga skref í rétta átt.. undanfarnar nætur hef ég ekki lognast útaf fyrren með morgni. (Þetta var það sem hún Alla sagði alltaf, var það ekki? Með morgni.)

    Svo er ég eitthvað að dunda mér að smíða nýja Torfhildarsíðu, enda löngu kominn tími á það. Sjáum hvernig það fer..

    -b.

    16 nóvember 2005

    Ekki er öll vitleysan til neins

    Mér er auðvitað þvert um geð að tengja beint á þetta kjaftæði, en sjá hér hversvegna ég hef engan áhuga á að koma fram undir merkjum vitleysinga lengur (þótt þeir séu auðvitað drengir góðir, langflestir). Nú virðist hver sem er geta bendlað þennan áður göfuga félagsskap við hvaða tilgerðargutl og atómhórustæla sem honum dettur í hug.

    Djúpt í árina tekið? Tja.. nei.

    -b.

    Framsetning

    Ahh, þetta er nú aðeins skárra. Hm?
    -moz-border-radius segi ég. Mér finnst það allavega lúkka betur en gamla góða rétta hornið.. IE fílar það ekki, frekar en annað (hens -moz forskeytið) en hei, ekki er ég að nota IE. Þannig að.

    Samt ósáttur við bakgrunninn ennþá. Hræðilegt veggfóður, eiginlega. Sem betur fer er ekki mikið mál að rífa það af og smella öðru þarna upp, en það er bara hvað það væri.. Hnuss.

    Og svo var Nóvemberkaktusinn sem hann Davíð gaf mér í útskriftarafmælisgjöf að blómstra. Í Nóvember, auðvitað. Miðjum Nóvember. Sko:



    -b.

    Ó nei

    ,,Hættu að lifa í pastanu" er svoo ekki Lenó-brandari.

    15 nóvember 2005

    ,,I'd rather have a bottle in front of me than a..."

    "I have also been trying out a sort of half-way stage between electroshock and prefrontal lobotomy [to treat mental patients].... This consists of knocking them out with a shock and while they are under the 'anesthetic' thrusting an ice pick up between the eyeball and the eyelid through the roof of the orbit [the bony cavity that contains the eye] actually into the frontal lobe of the brain and making the lateral cut by swinging the thing from side to side. I have done two patients on both sides and another on one side without running into any complications, except a very black eye in one case. There may be trouble later on but it seemed fairly easy, although definitely a disagreeable thing to watch. It remains to be seen how these cases hold up, but so far they have shown considerable relief of their symptoms, and only some of the minor behavior difficulties that follow lobotomy. [That is, prefrontal lobotomy, which typically involved boring holes through the front of the skull. The ice pick operation is called a "transorbital lobotomy."] They can even get up and go home within an hour or so. If this works out it will be a great advance for people who are too bad for shock but not bad enough for surgery."

    Freeman went around the country in the late 1940s demonstrating this technique in mental hospitals. These exhibitions reportedly went well for the most part, except on those occasions when the patient bled too much or the ice pick broke off within the orbit or inside the skull. To remedy this problem, the ice pick was later replaced with a sturdier instrument and an ordinary carpenter's hammer was used to drive it into the brain.

    A-L

    Mér sýnist þessi síða ekki koma neitt sérstaklega vel út í IE. Þetta fær maður fyrir að reyna að púsla hlutunum saman uppá pixel. (Hvernig er það annars, er ekki til neitt íslenskt orð yfir pixel? Orðabók aldamóta segir ,,punktur". Er það að ganga?)
    ..Þetta fær maður fyrir að reyna að púsla hlutunum saman uppá punkt. Jú, það gengur ágætlega. Spurning um að koma samhenginu til skila.

    Dagurinn í dag fór í alls ekki neitt. Ég fór ekki að sofa fyrren að verða sjö í morgun og vaknaði ansi seint.. hef bara ekki komið mér að verki, enda búinn að vera ónýtur. Þynnka gærdagsins skildi eftir sig eftirþynnku sem ég er ekki alveg að meika. Mér líður einsog ég sé veikur en ég þykist samt vita að það sé ekkert að mér, þannig. Þetta er í höfðinu, svona mestallt.

    Eða ég veit það ekki. Mér er illt í lungunum og ég get ekki dregið andann djúpt án þess að hósta. Gæti hafa náð mér í kvef þarna á slarkinu, eða þá að.. bara.. eitthvað. Það er eitthvað ekki einsog það á að vera.

    Það er ekkert að gerast í fréttum. Nema þá þetta sem hann Már skrifar um í dag, Fox sýndu tvo þætti í röð af Arrested Development um daginn (eftir að hafa sett þáttinn á pásu í mánuð til að sýna hafnarbolta) og urðu fyrir svo miklum vonbrigðum með áhorfið að þeir ákváðu að stytta þriðju seríu niður í 13 þætti. Fyrsta sería var þessi staðlaði 22 þátta pakki, önnur var ekki nema 18 (svipað dæmi í gangi þá og núna, enda var óljóst með framhaldið eftir þá ákvörðun) og nú verður sú þriðja 13 stykki og punktur. (Ekki pixill samt.)

    Ég vona bara að fyrst þetta er ákveðið núþegar, þá hafi þetta góða fólk tækifæri til að móta síðustu þættina með þetta í huga og klára dæmið almennilega. Eitthvað svipað og með The Ben Stiller Show, þarsem þau vissu öll að það væri búið að loka á framleiðslu þáttanna þegar þau gerðu 13. þátt (en hann fór aldrei í loftið). Því miður er lokaþátturinn á þeim bænum ansi slappur, en það er hinsvegar greinilegt að þau voru bara að gera það sem þeim datt í hug. Verst að það kom ekki betur út en það gerði á endanum..

    Atli hóra óskar eftir kvenmanni til að brjóta í sér hjartað. Hver hefur ekki staðið í svoleiðis veseni spyr ég.

    Í sjónvarpinu kyrjar skáldið: Ég vil ekki vera neinn annar en sá sem ég hef verið að reyna uppá síðkastið. Segiði svo að ljóðið sé dautt.

    En svona í alvörunni, segið það með mér: Ljóðið er dautt.
    Ljóðið er Dautt
    (Smá meiri áherslu á endann þannig að maður geri líka heyrt það sem ,,autt", handa metistunum þarna úti) Ljóðið er dautt!

    Ég tók myndavélina með mér austur en tók engar myndir á tónleikunum og engar myndir í brúðkaupsveislunni því ég tók myndavélina aldrei með mér. Kannske var það bara fyrir bestu.. hefði samt verið gaman að eiga góða mynd af Hjálmum. En ég á allavega þessa hérna af henni ömmu og Þorra bróður fyrir aftan módern léttmjólkurfernu:



    -b.

    14 nóvember 2005

    Helgin og svoleiðis

    Það væri ágætis drykkjuleikur að súpa í hvert skipti sem sögumaðurinn segir ,,realized" í Arrested Development.

    Hjálmar voru fínir á föstudaginn. Tónleikarnir gengu sérstaklega vel fyrir sig.. Rúv útvarpaði þeim beint og ég held að það hafi verið til þess að þeir byrjuðu á réttum tíma. Skemmtileg tilbreyting það.

    Á laugardaginn var étið og drukkið í Þingborg. Rosa fínn matur og ofboðslega mikið áfengi. Ég man ekki hvenær ég kom heim á Heiðarveginn en mig rámar óljóslega í að hafa farið þaðan á Pakkhúsið. Svo skutlaði hann Fúsi mér heim í dag og bauð mér í mat á gamlárskvöld. Spennó.

    Mikið er ég svangur.

    -b.

    11 nóvember 2005

    Grillið

    Ég man aldrei hvort græna ljósið á samlokugrillinu mínu þýðir að það sé allt í góðu grilli ennþá og ég þurfi ekki að kippa matnum út fyrren á rauða, eða hvort það er að 'gefa mér grænt' á að skafa ljúfmetið úr kjafti þess.

    Grillið er nefnilega orðið dálítið leiðinlegt (ég man reyndar ekki hvort þetta hefur alltaf verið svona eða hvort það ágerðist með tímanum) á þann veginn að brauðið festist alltaf við efri kjálkann á því.. þannig að ég þarf að opna það lítið eitt, og plokka samlokurnar síðan niður þannig að þær detta í neðri góminn. Og þaðan get ég ýtt þeim á disk.

    Væri ég að skrifa fyrir lesendur hefði ég sleppt þessari síðustu málsgrein. En svei mér þá, ef ég væri á annað borð að lesa um samlokugrill þá myndi ég sko vilja vita allt sem viðkomandi gæti sagt mér um það. Sérstaklega svona karaktereinkenni. Drekkur það í laumi? Er það sólgið í Su Doku þrautir? Spilar það Guns 'n Roses í heddfónum inní kirkjunni á meðan aðrir raula sálma?

    Nei. En það kann að grilla samlokur.

    Segðu mér meira!

    -b.

    10 nóvember 2005

    Intermeil

    Ég tékka á tetriz_hjá_mail.isl.is póstfanginu mínu með reglulega löngu millibili. Það kemur mér alltaf jafn skemmtilega á óvart að ég skuli muna lykilorðið.. Ég gæti náttúrulega ekki lesið það upp eftir minni, en puttarnir rata sína leið á lyklaborðinu (einsog með svo margt annað). En allavega, ég fæ einhvern slæðing af ruslpósti þangað, en þó ekki svo að ég þurfi að tæma þaðan út vikulega eða eitthvað slíkt (enda væri ég þá löngu hættur að spá í draslinu).

    En núna finn ég nokkur skeyti sem eiga bara ekkert heima hjá mér... Hér er eitt sem er sent föstudaginn 12. ágúst 2005 frá Kristjáni Grétarssyni til Júlíönnu Magnúsdóttur:
    Sæl og blessuð Júlíanna

    Hvaða eign ertu að spá í nákvæmlega, þú tekur það
    nefnilega ekki fram ?

    kveðja
    Kristján Grétarsson

    -----Original Message-----
    From: Björninn [mailto:tetriz@isl.is]
    Sent: 27. janúar 2003 18:03
    To: Húsin í bænum
    Subject: fyrirspurn


    Komið þið sæl.

    Eigið þið nokkuð söluyfirlit yfir þessa eign eða einhvað
    sem sem sýnir
    greiðslubirgði af áhvílandi lánum?

    Kveðja
    Júlíana Magnúsdóttir
    jthm@hi.is
    s: 895 7372
    (Ég er ekkert að klippa þetta niður neitt, það er nú ekkert markvert í þessu bréfi þannig. Og póstföngin halda sér fyrir mér, ég þekki þetta fólk ekki neitt.)

    Hef ekki hugmynd um hvaða lið þetta er. Ég hef aldrei, aldrei sent neinskonar fyrirspurn í sambandi við fasteign eða áhvílandi lán eða neitt slíkt. En þó kemur þetta tökunafn mitt, Björninn, fram í hausnum á undan þessu isl.is netfangi (en ég minnist þess ekki að hafa blandað þessum tveimur saman)..

    ...

    Ég er annars að hlusta á plötuna The Back Room með Editors og get ekki gert það upp við mig hvort þetta sé aum Interpol eftirherma (einsog mér skilst að Ingi vilji meina) eða bara ágætis plata sem fetar kannske heldur duglega í fótspor þessara indí-diskópaunk-wave gaura sem hafa verið svo vinsælir uppá síðkastið.. Interpol, Bloc Party, Killers o.s.frv.

    Hvort heldur sem er þá hljómar hún ekki einsog eitthvað sem ég væri til í að hlusta á aftur eftir ár. Annað en Turn on the Bright Lights tildæmis.. ég veit ekki alveg með plötur hinna, en það kemur í ljós. Ég fíla þær vel enn sem komið er.

    -b.

    09 nóvember 2005

    Dévaffdé sjöund

    Amazon pakkinn minn var að koma í hús, tólf dögum á undan áætlun. Mér þykir það svo gaman ég næ bara ekki í skottið á mér. Og ég sem er svo lítið búinn að gera í dag..

    Arrested Development, fyrsta og önnur sería, Profit, Monty Python and the Holy Grail Collector's Edition (þéttur pakki) og Mr. Show: What Happened?!, bók um þættina og þá sem komu að þeim.

    Voða sjónvarp eitthvað. En það er jú gott dót í því einsog öðru. Miðill um miðil.

    Svo eru ullarsokkar líka það besta síðan ullin sjálf var fyrst ofin. Hallur gleymdi pari á ofninum hjá mér eftir að hann óð skafla og slabb til að komast í útskriftarafmælispartíið mitt, og nú hef ég tekið þá í mína þjónustu. Alveg frábæró. Hefði ekkert á móti því að eiga eina góða lopapeysu líka, svei mér þá. Hef ekki hugmynd um hvað varð um mína gömlu..

    ...

    Og hér er eitt sem ég get varla gert með neinum árangri þegar ég er einn með sjálfum mér lesendahópur þessarar síðu, en það er að monta mig af einhverju ákveðnu.. Fyrir nokkrum vikum síðan ansaði ég klukki á vitleysingum sem var voða sjöfalt alltsaman. Nema hvað það voru bara sex liðir, svo ég bætti hinum sjöunda við, til að fullkomna galdurinn, svo að segja. Þetta var það sem ég sagði reyndar, orð fyrir orð:
    Annars skil ég ekki hversvegna það eru ekki sjö liðir í þessu dæmi. Ég ætla að bæta einum við og fullkomna þannig galdurinn, sjö sinnum sjö.
    Svo var ég að skoða síðuna hennar Tinnu, þarsem hún er að ansa samskonar klukki, en þar virðist þessi sjöundi liður vera orðinn normið.

    Ég reyndi að rekja þetta aftur, en það strandar alltaf á einhverjum sem tilgreinir ekki klukkarann, og allstaðar notar fólk sjöunda liðinn. Ég klukkaði sjálfur engann í framhaldi af mínu dæmi, svo það er blindgata í sjálfu sér.. Ég veit ekki hvernig þetta gerðist, en ég veit að það er frá mér komið. Hefur það eitthvað að segja mér, eða er þetta bara svona hei hei-eitthvað? Gaman?

    Já jæja, þetta er kannske ekki beint mont. En þetta er svona semi-merkilegt frá mínum sjónarhóli séð. Eitthvað sem ég myndi blaðra um við fólk á MSN án þess að hika tvisvar, en nú er gaspurhóllinn minn sokkinn undan mér. Þá fleygi ég þessu bara í liðhlaups-holuna góðu og moka yfir.

    I really feel like a dream is being woven.

    -b.

    Tuttugu og sjö tennur



    Jámm. Hann dó, skotinn til bana í einvígi, 27 ára gamall.

    Hann Davíð er ekki orðinn tuttugu og sjö ára gamall ennþá, en þó storkar hann örlögunum með því að bjóða einhverri snælduvitlausri kerlingu með sér í bíó. Ég spurði hann hvort hann væri ekki hræddur við að stinga félaganum í hana vegna þess að þar væri hún örugglega með tennur sem gæru vanað hann í einum bita, þetta skrímsli. Við hlógum allir.

    En þá upplýsti ég að þetta væri nú gamalt hroll-mótíf sem kallaðist vagina dentata uppá latínuna. Fyrst vildi hann ekki trúa mér, en nú hefur hann tekið þessari hugmynd opnum örmum, og vill meina að í rauninni hafi allar konur þennan eiginleika - notkun hans sé einfaldlega ekki mjög áberandi. (Hvernig sem á því stendur.)

    Og síðan vill hann ganga skrefinu lengra. Þegar ég spyr hvort eina ráðið sé þá að skvera meðvitundarlaust kvenfólk þá dettur honum í hug að téður tanngarður sé í raun og veru góðkynja sníkjudýr (góðkynja fyrir hýsilinn, a.m.k.) og stjórnist því ekki beinlínis af meðvituðum taugaboðum kvenmannsheilans. Sem er langtum hræðilegri tilhugsun.

    Þetta dót er líka svona bærilega ill tilhugsun, en þá helst fyrir þær sakir að það sé í raun þörf á græju af þessu tagi. Ikk.

    -b.

    Sölumennska á bensínstöð

    Í gær komu tveir starfsmenn KB banka inná stöðina og fóru að spjalla við hann Jóa gamla um viðbótarlífeyrissparnað. Um ellefuleytið spurðu þau mig hvort ég væri með svoleiðis dæmi í gangi og ég neitti því. Þá fengu þau mig inná kaffistofu og reyndu að selja mig inní þetta dæmi. Og það hafðist hjá þeim.

    Málið er að ég hef verið að spá í þessu heillengi, og haft þetta á bakvið eyrað svona síðan ég frétti fyrst af þessu. Þá var ég í úthringingum hjá Markaðslausnum (sem síðan varð Fjarmark, minnir mig) haustið 2000. Það vildi enginn fá fulltrúa frá [hvaða fyrirtæki sem það nú var] í heimsókn til að kynna þessa nýjung, og mér fannst það ekkert skrýtið. Þetta hljómaði voða vel einsog hann setti þetta fram, gaurinn sem útskýrði þetta fyrir okkur hringjurunum, en þetta var voða mikið vúdú eitthvað, fannst mér.

    Síðan hef ég alltaf verið að vandræðast yfir því hversu mikið ég skipti um vinnu.. Mér hefur aldrei fundist það neitt vit að starta einhverjum aukalífeyri þegar ég hætti hjá fyrirtækinu eftir þrjá mánuði og þarf svo að vasast í þessu aftur þegar ég byrja hjá næsta. En núna nýlega var ég að ræða þetta við hana Guðmundu, mömmu hans Halls, og hún vildi meina að þetta væri bara ekki svo flókið. Og þessi tvö sem komu í gær tóku undir það.

    Það er samt eitthvað við sölumenn sem fer í taugarnar á mér, þannig að þótt ég væri svo að segja seldur frá því að þau gerðu sig líklega til að kaupa mig þá spurði ég og efaðist eins mikið og ég gat. Maður getur að minnsta kosti verið erfiður kúnni, annars er þetta ekkert gaman fyrir bankagreyin.

    Þannig að ég er núna byrjaður að safna í viðbótarlífeyrissparnað hjá Vistu. Fimmtíu prósent í Vistu V og fimmtíu prósent í Ævilínu II.

    Þau vildu líka gera mér tilboð í bankaviðskiptin mín. Gera mér tilboð! Ég veit ekki hvernig það fer, en ég sagði þeim að þau mættu alveg hringja í mig einhvern daginn.. Þegar ég minntist á úthringingarnar í den spurðu þau líka hvort ég vildi fara aftur í svoleiðis vitleysu, en ég harðneitaði því. Það er eitthvað sem ég geri aldrei aftur.

    -b.

    Þriðjudagur

    Heyrðu karlinn bara að vinna og svona, strauja kort og tína upp klink og svona. Og hver haldiði að labbi ekki inní pleisið nema þessi gaur (til vinstri):



    Heyrðu, þá er Egill bara nýi gaurinn sem ég átti að kenna á kassann og svo framvegis. Magnað. Hann lærði bara fljótt, enda ekki mikið vesen.
    Tilviljun dagsins.

    Svo kem ég heim og þá eru barasta komnir tveir nýjir Arrested þættir á netið. Frábært. Og Retaliation er líka fínn.. Góðir partar hér og þar. ,,I've always wanted to uppercut a punkass."

    Æ já.

    Á morgun er miðvikudagur. Stutt í föstudaginn og tónleika með Hjálmum á Flúðum. Verst að helvítis málþingið er á sama dag, fyrr um daginn. Ég ætlaði að fara snemma á Selfoss, en mig langar að sjá eitthvað á þessu dæmi.

    Ahh, nýfundið frelsi mitt er ekki búið að stimpla sig inní puttana og skrifhausinn. Ég þarf andskotann ekkert að skrifa meira ef ég nenni því ekki og ég þarf ekki einusinni að loka þessu nema mig langi til þess.

    -b.

    07 nóvember 2005

    Ellefu dagar á hlaupum

    Hvernig ætli það virki að smella svona titli ofaná póstinn? Ég fæ víst að komast að því.

    En já, þetta er orðinn dálítill tími og þó sér ekki fyrir endann á honum. Ég veit ekki einusinni hvort mig langar til að halda áfram skrifum af þessum toga eftir að ég hef sagt skilið við bandið, en það verður að koma í ljós. Vandamálið tengist auðvitað eðli skrifanna, þ.e.a.s. hvers vegna fyrri skrifin áttu sér stað til að byrja með. Það hafði sína kosti að vera með marga lesendur, en um leið var það þessi óhóflegi lesendafjöldi sem latti mig til skrifa. Hvað getur maður sagt við hundrað manns í einu? A.m.k. ekki það sama og maður segir fimm manneskjum.. Og þó maður reyni að hugsa ekki um það verður varla hjá því komist ef maður er að pæla í þessu formi á annað borð.

    Kostirnir voru nefnilega þeir að allir þessir lesendur gáfu manni (ef til vill falska) tilfinningu fyrir því að hægt væri að koma einhverju áleiðis, frekar en ef maður hnippti í fimm vini sína eða svo. Þarna var komið eitthvað meira en hnútur í neti.. meira einsog nokkrir rammar af því. Þú gengur ekki inní eldhúsið heima hjá þér og lýsir því yfir að þig vanti að fá lánaða sleggju, eða að það sé partí á föstudaginn. Maður þarf að koma skilaboðunum til þeirra sem þeim er beint að, hvort sem það er í smáum skömmtum einsog símtölum eða bréfasendingum, eða stórum hollum einsog tilkynningu á vefsíðu. Sem fólk les.

    Þannig að stóri vettvangurinn er sannarlega til einhvers nothæfur (þó svo að í reynd séu notin ekki nærri því eins mikil og maður skyldi vona), en um leið er hann takmarkandi. Það er vissulega ekkert sem hindrar mann í að svissa á milli eftir því sem hentar, en er maður þá ekki farinn að leggja of mikla vinnu í eitthvað sem ætti, eðli síns vegna, að vera auðvelt og fljótlegt?

    Það er hægt að láta móðan mása um þetta fram og aftur. Held ég. En þetta snýst um fjölda lesenda. Og þá á ég við fjölda þeirra sem skrifarinn heldur eða gerir sér grein fyrir að lesi skrifin. Hvenær verður fjöldinn mikill og hvenær of mikill? Það verður sjálfsagt hver og einn að leggja mat á það fyrir sig. Ég held að vöntunin á sjáanlegum lesendum geti verið óþægileg þegar kúplað er niður á þennan hátt, en um leið frelsandi.

    Hverjum er ekki sama hvað þú hefur að segja hvort eð er?