The Old Country og sjónvarp vikunnar

Yup.

_____

Lufsaðist eitthvað niðrí bæ áðan, keypti grænmeti fyrir áttatíu krónur í Bónus og er ekki viss um að ég nenni miðbænum lengur. Hvar er allt þetta fólk sem ég var vanur að tala við? Var það kannske bara þetta eina skipti?

Á netinu í dag fann ég áttunda þátt þriðju þáttaraðar af Entourage, en á eftir að horfa á hann. Það sama á við um áttunda þátt þriðju þáttaraðar af Deadwood, en það var ekki fyrren í gær sem ég hafði það að glápa á þann sjöunda. Allt ansi rólegt þar ennþá, en greinilega einhver bilun í uppsiglingu.

Sótti líka míníseríu eftir Mark Millar að nafni Wanted, en ef ég myndi setja það á HI-netið væri markhópurinn um það bil Davíð, og hann nennir ekki að lesa myndasögur á tölvunni, ef ég man rétt. Klock mælir með þessu, svo maður tékkar.. Nokkuð annað hægt?

Er með skringilega tilfinningu í vinstra eyranu. Hversu lélegt væri það af mér að drepast úr sjaldgæfri eyrnasýkiveiru rétt áður en ég fer austur?

Tilvitnun nr. 371

Randall: I could probably sue this whole corporation right now for sexual harrasment. You're just making me restock the napkin holders because of my firmly held beliefs on the subject of ass to mouth.

Dante: You never go ass to mouth!

Randall: Would you grow up?

Vinnan um helgina

Þetta var semsagt svona:

Vinna á fimmtudegi frá þrjú til tólf. Vinna á föstudegi frá sjö til hálffjögur. Vinna á laugardegi frá sjö til tólf. Vinna í dag, sunnudag, frá níu til hálffjögur.

Ég gerði ósköp lítið annað.

Hann Þorvaldur, sem átti að mæta á seinni vakt á laugardeginum, sagðist vera veikur og það var ekki hægt að redda neinum öðrum með þessum fyrirvara, svo ég varð að standa vaktina. Sem betur fer opnar ekki fyrren níu á sunnudögum, ég veit ekki hvernig ég hefði verið hefði ég þurft að mæta klukkan sjö í morgun.

Ég hef reyndar einusinni áður tekið svona törn, en það var á virkum degi, þegar dagmanneskjan gat verið innan handar. Seinni vaktina í gær, aukavaktina, átti ég með útimanni sem kann gersamlega ekkert á kassann. Og tíu mínútum yfir þrjú, þegar ég hefði átt að vera farinn að gera upp, þá varð allt brjálað. Tómt stress og leiðindi.

Ég er viss um að fullt af fólki vinnur svona dag frá degi, en ég leyfi mér samt að væla yfir þessu. Tisk.

Það sem fór helst í taugarnar á mér var að helvítis fífl og aumingi að nafni Kristján hafði af mér þrjúþúsundkall úr kassanum sem hann átti ekkert með, og nýtti sér þar hvað ég var orðinn steiktur og sljór þegar liðið var á kvöldið. Þetta er ekkert sem ég kem til með að borga, og ég get sýnt framá mistökin með kvittununum, hann verður væntanlega látinn borga þetta áður en yfir lýkur, en það pirrar mig að klúðra einhverju svona. Alger nýliðamistök.

Annars var ég einmitt að tala um það við hann Víði um daginn.. eða einhvern annan.. var það ekki Víðir? að nú er ég orðinn nokkuð sleipur í þessu djobbi, en það er samt ekkert sem ég get nýtt mér annarstaðar.

Ég vann á bensínstöð í eitt ár og það sem ég lærði var.. hvernig maður vinnur á bensínstöð.

Hæ framtíð.

-b.

Um 2 Fast 2 Furious

Ex-cop and ex-con help sexy customs agent indict money launderer. Two fine performances, both by cars.

..Mér fannst þetta fyndið.

Il est nul

Vá er ég ekki að meika að það sé föstudagur. Er alveg að sofna.. bévuðu skiptivaktir!

-b.

Abstraction Contraption

Kom út fyrir þremur dögum síðan og fór í 36. sæti breska vinsældarlistans. Óle!

-b.

Ég tel

Eitt: Ég á enn eftir að horfa á Deadwood.

Tvö: Ég náði í svo mikið af myndasögum á safninu um daginn að bakið urraði á mig þarsem ég hjólaði með það heim.

Þrjú: Auk myndasagnanna tók ég Argóarflísina, sem ég hef haft gaman af í vinnunni, og klára væntanlega á morgun eða í kvöld. Hún lætur tímann líða hraðar og kemur heilanum á flug. Frábært!

Fjögur: Ég á ekki frí um verslunarmannahelgina. Helvítis ódámurinn hann Þorvaldur á frí. Ekki ég. Ég fæ samt frí á mánudeginum (jei!). Þessum rómaða nákvæma frídegi verslunarmanna, sem ég er víst þessa dagana. Verslunarmaður.

Fimm: Þetta myndband með Grant Morrison er eitthvað speisað, en ég nenni ekki að horfa á það allt núna svo ég set það hingað og horfi á það seinna. Hæ internet.

Sex: Mig langar enn að tala um Lost.

Sjö: Núðlur eru gott náttfæði.

Átta: UngesBoligService.dk hefur enn ekki svarað fyrirspurn minni, og með hverri mínútunni eykst á njúrósir mínar. Mínar nýju (eða níu) rósir. Rós efans. Rapparinn cum bókmenntafræðingurinn á skemmtilega grein um Nafn rósarinnar í Mogganum í dag.. þó held ég að þessi framhjáhlaupslína hans um að þýðingum sé spýtt út með vinstri hendi (nú umorða ég eftir minni) gæti vakið úlfúð á meðal félagsmanna íslenskra þýðenda.

Níu: Mogginn fer í taugarnar á mér. Hann gerði það aldrei áður, en áður sat ég ekki nógu lengi með hann til að lesa leiðarann. Og staksteinarnir versna stöðugt. Þessir bölvuðu afturhaldsfrekjuhundar vaða uppi með þvílíkt kjaftæði að mig verkjar í brisið, og langar helst að flýja land. Einn staksteinadálkur talaði háðslega um þá hræðilegu þróun innan íslenskra dagblaða að birta leiðara sína undir nafni ritstjóra, og þarmeð ,,hefðu dagblöðin enga skoðun." Þessi lína var margendurtekin á því litla plássi sem annars er rifið undir þessi spýjuskrif. Þetta þykir mér einmitt það ógeðfelldasta við leiðarana, Reykjavíkurbréfin og staksteinana, að þótt maður geti gefið sér að þar fari ritstjóri offorsi gagnvart pólitískum og mannlegum betrungum sínum, þá birtist ekkert þessa undir nafni. Morgunblaðið hefur ekki skoðun, Morgunblaðið er pappír. Þú þarna sem skrifar á þennan pappír auglýsir þar þínar skoðanir, og þú getur bara aulast til að kvitta undir þær, auminginn þinn.

Tíu: Powers er ennþá gott stöff, en mig vantar : Forever.

Ellefu: Nú hefur birst tengill hingað af blóksíðu Geoff Klocks, sem mér þykir bæði fallegt af honum og frekar undarlegt. Ég get ekki ímyndað mér að nokkur lesenda þeirrar síðu lesi Íslensku (leiðréttið ef svo er).. en þetta er e.t.v. spurning um kurteisi og netsiðun. Þú tengir, ég tengi.. Allt gott og blessað með það. Hæ internet.

Tólf: Ég á ennþá eftir að horfa á Equilibrium, líka.

Þrettán: Ég tók smá lit yfir helgina. Djöfull er ég töff.

-b.

Fimmtán: Það er eitthvað mjög hræðilegt við það að vera fastur í aflokuðu rými með þremur konum. Tvær eru allt í lagi og fjórar eru orðnar nógu margar til að teljast hópur, en þrjár konur ummyndast strax í einhverskonar skrímsli sem talar um konuhluti og hættir því aldrei. Maður er sannarlega ekki þriðja hjólið, en maður er ekki fjórða hjólið heldur því hjólið er löngu farið á haugana og við erum ólétt í fimmta skiptið að færa eldhúsið uppá aðra hæð og steypa nýjan bílskúr, vaska blóðið af veggjunum og tala tala tala saman. Brr. Landflótti, aftur.

Bréfaskrif

Ég var að enda við að skrifa og senda bréf á einhverri sultudönsku austur yfir haf. Djö ég ætla að vona að þau skilji þetta þarna á UngesBoligService.. Ég er búinn að sitja við þetta næstum síðan ég kom heim úr vinnunni.

En ég er farinn að sofa. Aftur.

Góða nótt, góðir hálsar.. hvað svo sem þið eruð, múhúhahahaha!

-b.

gúgúlmaps djönk

Þetta er fokking bilun. Hvað sem þetta er..

-b.

Deadwood: sjöundi þáttur er kominn upp.

Þrjár myndir

úr slattanum sem ég var að henda inná tölvuna úr símanum mínum. Ég er pínu svekktur yfir því hvað hann tekur lélegar myndir, en um leið er það doldið spes og gaman. Maður getur tekið kúlið á þetta, ,,það geta allir tekið hágæða myndir núorðið, afhverju ekki að taka bara góðar lélegar myndir?" En það virkar dálítið einsog gaurinn sem kann ekki að mála fyrir sitt litla en þykist vera með svaka meiningar í skvettum á striga. Þetta myndi virka betur ef ég hefði í raun og veru tekið einhverjar alvöru góðar myndir.

En ég segi það sosum ekki, þetta gildir þannig séð einu. Ég er enginn andskotans ljósmyndari, ekki frekar en restin af netverjum. Sjáið bara þessar myndir og svo skulum við öll halda kjafti í kór:







Sú fyrsta er tekin í andyri borgó, smellt á augabragði. Sú síðasta er tekin á aðfaranótt laugardags, einhver gjörningur til að auglýsa listahátíð. Kom væntanlega í blöðunum um helgina. Ég hef ekki hugmynd um hvaðan þessi í miðjunni kom.. en það er bara meira gaman.

-b.

ps. Nú þegar ég sé hana svona uppsetta þá hefði svei mér þá verið gaman af vélin hefði ekki registerað vírana sem halda hjólinu uppi. Það hefði verið góð slæm mynd.

Entourage

Sjöundi þáttur þriðju seríu er kominn í draslið.

Deadwood er á leiðinni, en ég er farinn í vinnuna í bili.

-b.

,,Officious seeing-eye bitch"?

Gaur fer í skipulagða veiðiferð til Úkraínu með hópi af gaurum:

Later that night, after a few hours of note-taking in my room, I made one last pass through the bar and found another of our group, a Midwestener whose construction company built guard booths for the Army. Even though it was well past midnight on what had been a grueling day of travel, the tie under his sweater retained its crisp knot and his gray hair was immaculately parted.

“Looks like there are a few professional women out in the lobby,” he said at almost the moment I sat down to join him. “Do you know how much they are? Do you think $100 would do it?” When I suggested he simply go outside and ask, he walked off into the lobby to do just that—leaving me alone in mid-sentence—only to return moments later. “The pretty one got in the elevator,” he muttered. “The others were a little chunky. So you don’t know how much for one of them, huh?”

He told me with a clinical chill in his voice about the time he had gone to Mexico on business and seen “The Donkey Show,” in which a female performer fellates and then copulates with a donkey. “I didn’t know a woman could take a donkey,” he said. “But she did. She took it.” He informed me that in Mexico the hookers had cost $40. When I asked him if he was really here in Ukraine looking for a wife, he just shrugged.

[...]

The next day, on a guided walking tour of downtown Kiev, I approached him and asked whether he had gotten an answer to his question. In that same toneless voice he informed me that he had eventually hired one of the hotel prostitutes for $130 an hour and before I could stop him told me in graphic detail about what they’d done and, worse, what she would not do. Then a stray dog trotted past. “Oh!” he exclaimed, turning away from me suddenly and bending to hold out his hand with a radiant, ear-to-ear smile. “Look at the little puppy! Yee-ess! Who’s a cute little puppy?”

Harðsperrurnar éta mig

Mikið ofboðslega hef ég lítið fylgst með vídjóstöðu Íslands uppá síðkastið. Ég var að enda við að horfa á Everything Is Illuminated, fletti henni upp á netinu og sé að hún kom út á vídjó hérna í maí síðastliðnum. Varla hefur hún þó komið í bíó? Þá er ég alveg mát.

Þetta er annars fín ræma. Ég er reyndar mjög feginn því að hafa ekkert vitað um þessa mynd áður en ég horfði á hana (Marvin henti henni í mig um daginn).. Tékkaði á treilernum þegar myndin var búin og það er, einsog svo oft áður, alltof mikið gefið upp um söguþráðinn.

Þósvo ég freistist stundum til að kíkja, þá eru treilerar alla jafna verkfæri djöfulsins. Ég fer ekkert ofanaf því. Núna í gær horfði ég t.a.m. á Running Scared (sem hafði víst komið í bíó í vetur, að mér forspurðum og óafvitandi þartil í gær) og naut þess að búast ekki við neinu af henni.. þ.e.a.s. að hafa ekki myndað mér skoðun útfrá neinu sem ég hefði séð eða heyrt eða lesið um þessa mynd, burtséð frá myndinni á hulstrinu, sem er mjög generísk.

Sú er mjög skrýtin, og dettur eiginlega oní einum of mikla vitleysu fyrir minn smekk. Hún á það sameiginlegt með Everything Is Illuminated að vera einstaklega stílíseruð, en Everything er ekki að rembast of mikið við að vera töff, og virkar þar af leiðandi ekki eins vitlaus.

Ég horfði á Farenheit 451 með öðru auganu áðan. Var það rétt sem mér sýndist að þau væru að stofna bókasamfélag án bóka? Munnleg geymd í stað texta.. undarleg leið til að skerast undan alvaldinu. En um leið sniðug. Kannske ég hefði átt að horfa með báðum.

Næst á dagskrá er að horfa aftur á Equilibrium. Byssubardagar hó!

-b.

Sushi!

Taisho always have a secret personal history.

You should never ask about this.

Monníngar

Ég skoraði bónusinn fyrir þennan mánuð. Fimmtánþúsund kall, já takk.

Sól og læti, en samt smá rok. Grill á föstudaginn.

Djös hausverkur er þetta samt.

Mér finnst betra að vinna á morgunvaktinni. Er ég orðinn gamall maður?

-b.

Það er kominn mánudagur!

Deadwood, sjötti þáttur.

Entourage, sjötti þáttur.

..og þetta eru góðir fælar í þetta skiptið. Af prufunum að dæma, ég hef ekki horft á þá í gegn ennþá. Þreytti gaurinn.

-b.

Um Entourage (og geispað inní Hjálma)

The trick of the series is to blur what is on the show and what is outside the show. Nominally about the exploits of a freshly minted celebrity and his cronies from back-in-the-day, Entourage is "about" the very industry that makes the show itself. And so the real world subject matter of the show is constantly intruding into the fictional world it creates: "real" celebrities play themselves mixing with the "fake" celebrities on the sets of made-up movies shot by real directors. We've seen this before, of course, in movies by Robert Altman for example. The difference here is the complete absence of satire. Entourage takes as a given our love of celebrity culture and its industry of images; it just finds nothing in that love to criticize. Rather, it makes celebrity culture all the more alluring for being turned into an aesthetic artifact. After all, what we watch on Entourage is not the tedium of reality itself. Even the "real" celebrities are playing themselves as characters in delicately crafted narratives. Rather, we watch artfully done 24-minute nuggets that serve us our favorite object of interest.

Ég hef oft reynt að koma því í orð hversvegna ég fíla þessa þætti svona mjög, og þá ekki síður til að útskýra það fyrir sjálfum mér en fyrir öðrum, en sjaldan getað stamað útúr mér öðru en ,,þetta.. þúveist.. þetta er bara svo kúl!"

En þetta er ágætis punktur.

Hann minnist þarna á Weeds, sem ég skil ekki hvernig fólk nennir að horfa á, og síðan Brotherhood, sem maður ætti kannske á líta á..

Annars eru Entourage og Deadwood að renna inn hérna í rólegheitunum. Reyni að kíkja á þann fyrrnefnda áður en ég lognast útaf. Skiptivaktir. Urgh.

Svaf yfir mig í morgun og sjoppan opnaði ekki fyrren klukkan átta, rétt tæplega. Hélt fyrst að ég hefði bara sofið af mér vekjarann, en þegar ég prófaði hann í vinnunni komst ég að því að hann er eitthvað bilaður.. Síminn hringir ef það er hringt í mig, en bæði vekjarinn og áminningar-tólið gefa bara frá sér smá píp og svo ekkert meir.

Svo ég hjólaði mér niðrí bæ og keypti gamaldags vekjaraklukku fyrir þúsundkall í Pennanum. Svona með skífu og takka oná, og gengur fyrir einu AA batteríi.. svipað og gaurinn sem ég átti þegar ég bar út Moggann. Hversu oft ætli ég hafi sofið yfir mig í þá tíð? Ansi oft. Það held ég.

-b.

Guns

Kemur út í kvöld.

Enn ein kvöldvaktin fyrir mig á eftir. Mikið er ég orðinn þreyttur á þeim.

-b.

[Seldist í rúmlega 113.000 eintökum fyrstu 'vikuna'. Fokkjess!]

,,Not a fuckin' word comes to print."

Já! Fokking kálaðonum! hrópaði ég á meðan þeir slógust. Deadwood. Mmmm.

-b.